Jaho dastavili ŭviečary 28 śniežnia, paviedamlaje BIEŁTA.
Korpus reaktara VVER-1200 važyć bolš za 330 t, jaho vyšynia — 13 m, dyjamietr — 4,5 m.
Reaktar ujaŭlaje saboj viertykalny cylindryčny korpus z eliptyčnym dnom, usiaredzinie jakoha raźmiaščajecca aktyŭnaja zona i ŭnutrykorpusnyja pryłady. Źvierchu jon hiermietyčna začynieny kryškaj. Kryška macujecca da korpusa z dapamohaj špilek. U vierchniaj častcy korpusa majucca patrubki dla padvodu i advodu ciepłanośbita, a taksama patrubki dla avaryjnaha padvodu ciepłanosťbita pry razhiermietyzacyi konturu.
Korpus reaktara vyrableny na vałhadonskim pradpryjemstvie «Atammaš», jakoje źjaŭlajecca filijałam AT «AEM-technałohii», što ŭvachodzić u mašynabudaŭničy dyvizijon «Rasatama» — «Atamenierhamaš».
U Biełaruś korpus adpravili 31 kastryčnika. Ad zavoda-vytvorcy «Atammaš» jaho pieravieźli na śpiecyjalizavanaj aŭtamabilnaj technicy na pryčał Cymlanskaha vadaschovišča ŭ Vałhadonsku. Tam pačaŭsia račny etap, jaki ciahnuŭsia da Novavaroniežu. Dalej da Astraŭca jaho pieravozili pa čyhuncy na śpiecyjalizavanym transparciory.
Biełaruskaja AES — prajekt pa budaŭnictvie atamnaj elektrastancyi typu VVER-1200, jaki realizujecca ŭ 18 km ad Astraŭca na Hrodzienščynie. BiełAES budzie składacca z dvuch enierhabłokaŭ sumarnaj mahutnaściu da 2400 (2ch1200) MVt.
Novy korpus reaktara biełaruskaj AES taksama hruknuli — hetym razam pry pieravozcy
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary