Biełaruski archiŭ vusnaj historyi i «Histaryčnaja majsternia» adkryvajuć «Kłub vusnaha historyka» — unikalnuju adukacyjnuju placoŭku ŭ Minsku.
«Biełaruskaja pamiać pra Chałakost» — pieršaja tema, na jakuju źviernuć uvahu arhanizatary Kłuba. Jaki vobraz Chałakostu zachavaŭsia ŭ pamiaci biełarusaŭ? Nakolki apoviedy śviedkaŭ vajny adpaviadajuć sučasnamu adlustravańniu trahiedyi ŭ padručnikach, u histaryčnaj litaratury, u miemaryjalizacyi Chałakostu? Jak biełarusy padčas vajny traktavali jahonyja pryčyny? Ci ŭpłyvała na hetaje razumieńnie padzielenaść Biełarusi da vosieni 1939 h.?
Šukać adkazy na hetyja składanyja i ciažkija pytańni budzie prafiesar Aleś Smalančuk. Śpiecyjalny hość sustrečy — mastactvaznaŭca i kulturołah Siarhiej Chareŭski.
Doktar histaryčnych navuk Aleś Smalančuk bolš za 10 hadoŭ daśleduje pamiać žycharoŭ Biełarusi pra XX stahodździe. Siarod inšych temaŭ prafiesar cikavicca, jak ludzi tłumačać pryčyny zabojstva habrejaŭ padčas Druhoj suśvietnaj vajny.
Siarhiej Chareŭski, biełaruski mastak, litaratar, historyk mastactva, kulturołah, mastactvaznaŭca. Spadar Siarhiej pahladzić na prablemu Chałakostu z kulturałahičnaha rakursu: jakim čynam tema Chałakostu zamacavałasia ŭ architektury, mastactvie i h.d.
«Kłub vusnaha historyka»: što heta?
Biełaruskuju historyju apisvali pa-roznamu, u asnovu apoviedaŭ časta kłalisia supraćlehłyja i sprečnyja tezisy. Adnak, praktyčna zaŭždy pa-za ŭvahaj daśledčykaŭ zastavalisia niepasrednyja ŭdzielniki padziej — prostyja ludzi, nie nadzielenyja ŭładaj, vymušanyja žyć u dramatyčnyja časy. Pakul nam dastupnaja heta krynica infarmacyi, varta joj karystacca. Biełaruski archiŭ vusnaj historyi ŭžo 5 hadoŭ źbiraje ŭspaminy žycharoŭ Biełarusi. Pryśpieŭ čas, kab hałasy śviedkaŭ historyi byli pačuty biełaruskim hramadstvam.
«Kłub vusnaha historyka» — heta placoŭka, dzie buduć prezientavacca i abmiarkoŭvacca važnyja i małaviadomyja temy z historyi XX stahodździa, aktualnyja dla sučasnaha biełaruskaha hramadstva. Pozirk u histaryčnaje minułaje dazvolić lepš zrazumieć siabie ciapierašnich.
Pasiedžańni buduć pravodzicca va ŭnikalnym histaryčnym budynku, jaki zachavaŭsia na terytoryi byłoha Minskaha hieta dy isnavaŭ z davajennych časoŭ. Ciapier u im pracuje «Histaryčnaja majsternia», što zajmajecca zachavańniem pamiaci pra Chałakost u Biełarusi
Na kožnaje pasiedžańnie buduć zaprašacca dakładčyki z roznych kirunkaŭ, źviazanych z temaj mierapryjemstva. Heta paspryjaje bačańniu prablemaŭ u ich abjomie i składanaści. Placoŭka daść mahčymaść samaprezientacyi i maładym daśledčykam.
Kłub adkryty dla ŭsich, niezaležna ad uzrostu, adukacyi i prafiesii.
Zaprašajem usich zacikaŭlenych 19 studzienia ŭ 18.30 u Histaryčnuju majsterniu pa adrasie: vuł. Suchaja, 25. Uvachod volny.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ46
Kamientary