Minčuki, u jakich nie pravieryli ličylniki, buduć płacić za vadu pa poŭnych narmatyvach
Minčanie, u kvatery jakich svoječasova nie pravieryli ličylniki raschodu vady, buduć płacić za vodaspažyvańnie pa narmatyvach, paviedamili BIEŁTA na ŭnitarnym pradpryjemstvie «Minskvodakanał».
«Pa pakazańniach prybora vyznačajecca abjom pralitaj vady, jaki padlahaje apłacie. Praviadzieńnie dziaržpravierki prybora ŭliku - abaviazkovaje patrabavańnie zakanadaŭstva, u advarotnym vypadku ŭstupajuć u siłu normy ab biezulikovym spažyvańni kamunalnych pasłuh. Naličeńni pravodziacca pa taryfach, što zabiaśpiečvajuć poŭnaje pakryćcio ekanamična abhruntavanych vydatkaŭ. Da prykładu, adzin prapisany hramadzianin zapłacić za miesiac Br8,9», - adznačyli na pradpryjemstvie.
Jak praviła, prybor uliku ustaloŭvajecca pry novym budaŭnictvie, a taksama indyvidualna za košt ułaśnika. Jon maje pieršasnuju pavierku, u abaviazkovym paradku prykładajecca pašpart z ukazańniem harantyjnaha pieryjadu absłuhoŭvańnia i miežpavieračnaha intervału - terminu, na praciahu jakoha harantujecca praca ličylnika ŭ dapuščalnych chibnaściach, vykonvajucca jaho mietrałahičnyja charaktarystyki. Nievykanańnie miežpavieračnaha intervału ciahnie za saboj pieravod na normy vodaspažyvańnia i apłatu pa poŭnych taryfach.
«Adkaznaść jak za spraŭnaść, pracazdolnaść, zachavanaść dakumientacyi, tak i za svoječasovaje praviadzieńnie dziaržaŭnaj pavierki niasie spažyviec. Na siońniašni dzień pavierka pryboraŭ uliku vady, jakija absłuhoŭvajucca «Minskvodakanałam», u paradku ekśpierymientu robicca raz u 6 hadoŭ. Minčukam varta samim zajaŭlać pra nieabchodnaść kantrolnych mierapryjemstvaŭ», - prainfarmavali śpiecyjalisty.
Pahladzieć datu papiaredniaj pavierki možna ŭ pašparcie prybora, u damovie na akazańnie pasłuh vodazabieśpiačeńnia i vodaadviadzieńnia, a taksama na płombu prybora (nazyvajecca kvartał i hod). Zajaŭki prymaje kantakt-centr ramontna-miechaničnaha cecha pradpryjemstva. Dyśpietčar uzhadniaje čas prybyćcia majstroŭ, jakija demantujuć padlahaje zamienie prybor i ŭstanoviać ŭžo pravierany ličylnik z abmiennaha fondu.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary