Futbolny kłub «Krumkačy» trymaje ruku na pulsie apošnich padziej. Kamanda vystupiła z dastatkova niezvyčajnaj inicyjatyvaj. Tak zvanyja «darmajedy», jakija spłacili padatak i mohuć prademanstravać adpaviednuju papierku, atrymajuć źnižku.
Sioleta «Krumkačy» raspracavali ci nie samyja krutyja abaniemienty za ŭsie časy isnavańnia vyšejšaj lihi. Prachadnyja na ŭsie chatnija hulni vykananyja ŭ aryhinalnym nacyjanalnym styli. Nazyvajucca jany Albus (bieły krumkač), Varius (piaresty krumkač), Corax (čorny krumkač).
Samy tanny abaniemient, jaki daje prava prysutničać na ŭsich chatnich hulniach kamandy sioleta, kaštuje 36 rubloŭ. Sa źnižkaj dla «darmajedaŭ» atrymajecca 32,4.
Futbolny čempijanat u Biełarusi pačniecca 1 krasavika. Debiutnuju hulniu «Krumkačy» praviaduć 2 krasavika na svaim poli z «Viciebskam». U minułym čempijanacie «Krumkačy» zaniali 11-je miesca.
Kamientary