Demanstranty ŭ Oršy, Babrujsku i Rahačovie patrabavali pracy i adstaŭki Łukašenki VIDEA, FOTA
Karespandenty «Našaj Nivy» viali adtul žyvyja repartažy.
Orša: videa ŭžyvuju
Takoha masavaha vystupu tut nie było z 1991 hoda. Na centralnuju płošču tut vyjšła da 1000 čałaviek. Jany prajšli šeściem da budynku vykankama. Pratestoŭcaŭ uznačaliŭ staršynia Biełaruskaj chryścijanskaj demakratyi Pavieł Sieviaryniec.
Vorša zaraz. Ludziej šmat#darmajedy pic.twitter.com/m5svwYKHX8
Babrujsk: videa ŭžyvuju
U Babrujsku na Płošču siońnia vyjšła 700—800 čałaviek. Heta mienš, čym dva tydni tamu. Akcyi papiaredničali pieratrusy i zatrymańni aktyvistaŭ apazicyi i prafsajuzaŭ.
Usio adbyvałasia davoli stychijna. U centry byŭ adzin mały miehafon, ale ź jaho čuvać było niedaloka.
Ludzi byli nastrojenyja radykalna, ahresiŭna, ale akcyja prajšła spakojna.
Nijakich prarasijskich łozunhaŭ nie było. Zatoje ludzi masava vykazvalisia za adstaŭku Alaksandra Łukašenki, jaki davioŭ krainu da ciapierašniaj situacyi.
Bolšaść udzielnikaŭ składali piensijaniery.
Ludzi skandavali «Žyvie Biełaruś!», «Basta!» i «Nie dekretu numar try, Łukašenka, uchadzi!»
Zapis videaanłajna z Babrujska hladzicie tut:
Kali łaska, sačycie za anłajnam z Rahačova tut: Rahačoŭ: na płoščy kala 300 čałaviek
«Naša Niva» — bastyjon biełaruščyny
PADTRYMAĆU Biełarusi akcyi pratestu pačalisia 17 lutaha, kali ŭ centry Minska adbyłasia šmattysiačnaja demanstracyja suprać dekreta №3: ludzi patrabavali admieny h.zv. padatku na darmajedstva. Potym akcyi raspaŭsiudzilisia na inšyja harady.
9 sakavika Łukašenka prypyniŭ dziejańnie dekreta na hod i vystupiŭ z pahrozami na adras arhanizataraŭ akcyj. Niahledziačy na heta ŭ Maładziečnie i Pinsku, 10 i 11 sakavika, sotni ludziej usio roŭna vyjšli na płoščy. Jany patrabujuć nie tolki poŭnaj admieny dekreta №3, ale i pratestujuć suprać nizkich zarobkaŭ, adsutnaści pracy, rostu cenaŭ, paharšeńnia ekanamičnaj situacyi, usio čaściej čujucca zakliki: «Łukašenka, sychodź!», patrabavańni svabodnych vybaraŭ.
Paśla akcyi pratestu ŭ Maładziečnie byli žorstka zatrymanyja i asudžanyja na 15 sutak lidary apazicyi Anatol Labiedźka, Vital Rymašeŭski i Juraś Hubarevič. Jany vyjduć na svabodu tolki viečaram 25 sakavika, paśla taho jak skončycca anansavanaja tradycyjnaja akcyja na Dzień Voli.
Usiaho ŭ Maładziečnie byli zatrymanyja bolš dziasiatka čałaviek. Pratesty ŭ Pinsku skončylisia biez zatrymańniaŭ, zatoje tam demanstranty adbili ŭ asob u cyvilnym błohiera, jakoha sprabavali zatrymać.
-
Siońnia — apošni zvanok. Minpryrody prosić školnikaŭ nie zapuskać u nieba pavietranyja šaryki
-
«Mahčyma, jana źbiehła ad kachanka ci jon jaje zabiŭ, ci jana ŭ Biełarusi». Aŭtar rasśledavańnia pra Anžaliku Mielnikavu
-
U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia25
Kamientary