Bitva va ŭsich stychijach: ZŠA raźvivajuć kancepcyju vajny budučyni
Hienierały Suchaputnych vojsk, VPS, VMS i marskoj piachoty ZŠA abmiarkoŭvali apošnija try dni ŭ Chantśvile (štat Ałabama) novuju kancepcyju bajavych dziejańniaŭ, jakaja budzie adroźnivacca niabačanym raniej uzajemadziejańniem žaŭnieraŭ i techniki na poli boju.
Kanfierencyju arhanizoŭvaje Asacyjacyja Suchaputnych vojsk ZŠA — upłyvovaja hramadskaja arhanizacyja, jakaja maje za metu padtrymku i raźvićcio hetaha vidu ŭzbrojenych sił.
Zhodna ź idejaj, jakoj pryśviečanyja jak minimum 4 śpiecyjalnyja abmierkavańni na mierapryjemstvie, piechacincy i kaśmičnyja spadarožniki, padvodnyja łodki i tanki, samaloty ŭ niebie i chakiery ŭ kibierprastory buduć abjadnanyja ŭ adzinuju vajskovuju sietku abmienu infarmacyjaj.
Usie hetyja siły buduć uzajemna padtrymlivać adzin adnaho, stvarajučy hnutkuju sistemu, što chutka kampiensuje pieravahi praciŭnika ŭ toj ci inšaj asobnaj śfiery.
Hetak, naprykład, armiejskaja rakietnaja sistema ATACMS, jakaja pryznačanaja dla źniščeńnia celaŭ na ziamli, atrymaje mahčymaść źniščać ruchomyja celi ŭ mory, padtrymlivajučy takim čynam ułasny fłot, piša breakingdefense.com.
Prapanujecca abjadnańnie sietak sistem rakietna-zienitnaj abarony i radyjoelektronnaj raźviedki roznych radoŭ vojsk, takim čynam, kab radary karabloŭ, piachoty, avijacyi mahli chutka abmieńvacca infarmacyjaj.
Akramia taho isnuje inicyjatyva stvareńnia novaj sistemy kiravańnia vojskami, samalotami i karablami, jakaja budzie kaardynavać dziejańni va ŭsich stychijach, u tym liku ŭ kibierprastory i kosmasie, a taksama intehravać amierykanskich chaŭruśnikaŭ pa NATO.
Kamientary