U internet-kniharni Vydaviectva «Januškievič» abvieščana papiaredniaja zamova na knihu «Klič Ktułchu» Hovarda Filipsa Łaŭkrafta.
Zbor tvoraŭ samaha aryhinalnaha majstra žachaŭ na biełaruskuju movu pierakłali Uładzisłava Hurynovič, Pavieł Donaŭ i Aleś Kudraŭcaŭ. Vokładku zrabiła Kaciaryna Dubovik.
Kniha źjavicca pry kancy krasavika, ale ŭžo zaraz jaje možna zamović.
Hovard Filips Łaŭkraft — amierykanski piśmieńnik, aŭtar tvoraŭ u žanrach žachaŭ, mistyki i fentezi, jakija paśla jaho śmierci zrabilisia kultavymi i istotna paŭpłyvali na sučasnuju litaraturu žachaŭ.
Tvorčaść Łaŭkrafta nastolki ŭnikalnaja, što daśledčyki vydzialajuć asobny padžanr — łaŭkraftaŭskija žachi. Łaŭkraft stvaryŭ mify Ktułchu, u jakich vuściš niaźviedanaha susiedničaje z fantasmaharyčnymi apisańniami vydumanych staražytnych haradoŭ, bahoŭ i artefaktaŭ. U knihu ŭklučanyja takija znakamityja apaviadańni aŭtara, jak «Klič Ktułchu» (jaki loh u asnovu «mifaŭ Ktułchu»), «Pacuki ŭ ścienach», «Stojeny žach», «Hančak», «Hierbiert Uest, reanimatar» i mnohija inšyja tvory.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača37
Kamientary