Za pieravyšeńnie limitaŭ na pasyłki z-za miažy biełarusy letaś zapłacili ŭ dziaržbiudžet 2,4 miljona rubloŭ, paviedamili FINANCE.TUT.BY u DMK. U pieraliku pa kursie Nacbanka na 4 krasavika hetaja suma składaje 1 miljon 278 tysiačy dalaraŭ.
U 2016 hodzie ŭ našu krainu pastupiła 12,7 miljona mižnarodnych paštovych adpraŭleńniaŭ. Pry hetym košt 1% pasyłak, jakija fizičnyja asoby atrymali z-za miažy, pieravysiŭ limity ŭ 22 jeŭra.
Z 14 krasavika minułaha hoda biełarusy atrymlivajuć zamiežnyja pasyłki dla asabistaha karystańnia pa novych praviłach: maksimalnaja suma zamovy ŭ adzin miesiac abmiežavanaja 22 jeŭra i 10 kiłahramami (niezaležna ad kolkaści pakupak). Za ŭsio, što bolš za limit, treba płacić 30% z sumy pieravyšeńnia. Da taho ž dadatkova treba zapłacić mytny zbor u 5 jeŭra za ździajśnieńnie mytnych apieracyj za kožnuju pasyłku.
«Čaściej za ŭsio pieravyšeńnie normy adbyvajecca pa košcie za košt pastupleńnia niekalkich pasyłak u ich adras na praciahu kalandarnaha miesiaca. U asnoŭnym naličeńnie sum mytnych pošlin, padatkaŭ pravodziłasia mytnymi orhanami na padstavie źviestak ab košcie tavaraŭ, nazvanych adpraŭnikom ŭ dakumientach, jakija supravadžajuć mižnarodnyja paštovyja adpraŭleńni, — tłumačyli raniej u DMK.
U minułym hodzie prykładna 1,6% ad ahulnaj kolkaści pasyłak z-za miažy, jakija pryjšli fizičnym asobam, viarnuli adpraŭnikam z-za ich admovy atrymlivać «banderoli».
***
Prykład. Zamoŭleny źniešni vinčestar koštam 90 dalaraŭ (abo 82 jeŭra). Jakuju pošlinu pryjdziecca vypłacić u dadzienym vypadku?
Adkaz DMK: Kali košt pierasyłanaha ŭ MPA tavaru dla asabistaha karystańnia składaje 90 dalaraŭ (što ŭ pieraliku skłała 82 jeŭra) i vaha nie pieravyšaje 10 kh i na praciahu kalandarnaha miesiaca ŭ adras dadzienaj fizičnaj asoby nie pierasyłalisia inšyja tavary, to suma padlahajučych vypłacie mytnych płaciažoŭ budzie raźličanaja nastupnym čynam: (82 jeŭra — 22 jeŭra) ch 30% + 5 jeŭra (mytny zbor za ździajśnieńnie mytnych apieracyj) — i składzie 23 jeŭra.
Kamientary