Pra heta Alaksandr Łukašenka zajaviŭ 26 krasavika ŭ Čarnobyli padčas sustrečy z prezidentam Ukrainy Piatrom Parašenkam.
«Piatro Alaksiejevič i ŭvieś ukrainski narod viedaje našu pazicyju ŭ hetych adnosinach: mir, mir i tolki mir. Ukraincy nikoli nie byli dla biełarusaŭ čužymi ludźmi. Padabajecca kamuści, ci nie padabajecca, va Ukrainie, a moža być i ŭ Biełarusi, bałazie, što amal niama takich u nas, ale my rodnyja ludzi. My zaŭsiody žyli razam, asabliva na hetaj terytoryi. Chto nas moža padzialić? Nichto», — zajaviŭ prezident Biełarusi.
Źviartajučysia da Piatra Parašenki, Alaksandr Łukašenka skazaŭ: «Vy navat nie havoracie na temu, što biełarusy mohuć pastupić niejak inakš, čym pastupajuć ciapier. My rodnyja ludzi. My možam pryjści da vas, ci pryjechać, jak ja kazaŭ, na traktary, dapamahčy vam, arać ziamlu, kali treba, što my i robim u prymiežnaj zonie. Vy dapamahajecie nam, našy sialanie dapamahajuć vam. My budziem pracavać tolki ŭ imia miru, u nas niama inšaj mety».
Jon taksama ŭ čarhovy raz padkreśliŭ, što «my rodnyja ludzi».
«I heta nie tolki maja pazicyja, heta pazicyja ŭsiaho biełaruskaha naroda. Nam jak maha chutčej treba spynić hetyja mižusobnyja zvadki, spynić vyśviatleńnie adnosin sa zbrojaj, hladzieć z aściarohaj adzin na adnaho. U nas vydatnaja załataja ziamla, na jakoj zaŭsiody žyli ŭ dastatku našy ludzi. I ja ŭpeŭnieny, jany buduć žyć … Skažycie, što my jašče možam zrabić, na što, viadoma, možam być zdolnyja, u imia miru i družby našych narodaŭ? I my abaviazkova heta zrobim», — skazaŭ biełaruski prezident.
Taksama Alaksandr Łukašenka zajaviŭ, što «ŭkrainskaja ziamla dla mianie nie čužaja».
«Tut zusim pobač, pamiž Kijevam i Čarnihavam, zakapany i karani maich prodkaŭ. Tamu my budziem rabić usio ŭ imia taho, kab u nas byŭ mir i prystojnyja adnosiny», - padzialiŭsia jon.
«Druhaja častka našaj razmovy budzie tyčycca žyćcia ludziej i ekanomiki. I našy ludzi, i ŭkraincy pa vynikach hetaj sustrečy pieramovaŭ mohuć na faktach pierakanacca, što my budziem prytrymlivacca kursu družby, ŭzajemnaha supracoŭnictva. My zaŭsiody budziem žyć jak dobryja susiedzi, a susiedziaŭ nie vybirajuć, jany ad Hospada. Budźcie ŭpeŭnienyja, što biełarusy byli i buduć nadziejnymi siabrami dla našych ukrainskich siabroŭ», — zapeŭniŭ prezident Biełarusi prezidenta Ukrainy.
Kamientary