Biełaruś i Słavakija ŭ čas aficyjnaha vizitu premjer-ministra Biełarusi Andreja Kabiakova ŭ Słavakiju, što prachodzić 27-28 krasavika, padpisali 10 dakumientaŭ ab supracoŭnictvie ŭ roznych halinach, paviedamili BIEŁTA ŭ pasolstvie Biełarusi ŭ Słavakii.
Za piać miesiacaŭ, što minuli z momantu aficyjnaha vizitu ŭ Biełaruś staršyni ŭrada Słavakii Robierta Fica, jaki adbyŭsia ŭ listapadzie 2016 hoda, baki padrychtavali da padpisańnia 10 dakumientaŭ.
Tak, u chodzie vizitu Andreja Kabiakova kiraŭniki ŭradaŭ Biełarusi i Słavakii padpisali pahadnieńnie pamiž uradami dźviuch krain ab supracoŭnictvie ŭ halinie navuki i technałohij.
Kiraŭniki Dziaržstandartu Biełarusi i Upraŭleńnia pa standartyzacyi, mietrałohii i vyprabavańniach Słavakii padpisali miemarandum ab uzajemarazumieńni pa supracoŭnictvie ŭ halinie standartyzacyi, mietrałohii i acenki adpaviednaści.
Zaklučany miemarandum ab uzajemarazumieńni i supracoŭnictvie pamiž Centram ekśpiertyz i vyprabavańniaŭ u achovie zdaroŭja (Biełaruś) i Dziaržaŭnym instytutam kantrolu lekavych srodkaŭ (Słavakija), a taksama miemarandum pamiž MNS Biełarusi i Kamitetam pa atamnym nahladzie Słavakii ab abmienie infarmacyjaj i supracoŭnictvie ŭ halinie dziaržaŭnaha rehulavańnia jadziernaj biaśpieki.
U čas biełaruska-słavackaha biźnies-forumu padpisany pahadnieńnie ab supracoŭnictvie pamiž handlova-pramysłovymi pałatami krain i pahadnieńnie ab supracoŭnictvie pamiž Nacyjanalnym ahienctvam inviestycyj i pryvatyzacyi Biełarusi i Słavackim ahienctvam pa raźvićci inviestycyj i handlu.
Kirujučaj kampanijaj chołdynha «Haryzont» padpisany miemarandumy ab uzajemarazumieńni pa pytańni stratehičnaha partniorstva i supracoŭnictva sa słavackimi kampanijami OMS spol, a taksama Universal Media Corporation. Biełaruskim dziaržaŭnym technałahičnym univiersitetam padpisany miemarandum ab stvareńni kansorcyuma z Trenčanskim univiersitetam Alaksandra Dubčaka i słavackimi kampanijami SV Engineering i Dupres Group. Bresckim elektralampavym zavodam padpisana ramačnaje pahadnieńnie sa słavackaj kampanijaj OMS spol.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary