U časopisie bioGraphic byŭ apublikavany zdymak jeŭrazijskaha babra, jaki płyvie pad vadoj Łuary z tapolevaj halinkaj u zubach. Francuzski fatohraf palavaŭ na hety zdymak čatyry hady.
Kožny viečar fatohraf apranaŭ ryštunak dla padvodnaha płavańnia i lažaŭ nieruchoma ŭ rečyščy raki na praciahu dvuch-troch hadzin. Narešcie, adnojčy ŭviečary jaho ciarpieńnie akupiłasia. Jak piša bioGraphic, «jon tolki apuściŭsia ŭ vadu i raźmiaściŭsia, kali ŭbačyŭ darosłaha babra, kali toj viartaŭsia sa śviežaj tapolevaj halinkaj da troch dzietak».
Zvyčajny, abo račny, babior źjaŭlajecca samym bujnym hryzunom faŭny Staroha Śvietu i druhim pa vieličyni paśla kapibary. Da pačatku XX stahodździa ŭ śviecie zastałosia ŭsiaho kala 1200 asobin hetaha vidu, ale ŭ vyniku pryniatych mier udałosia vyratavać račnoha babra i pavialičyć jaho papulacyju.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary