Skončyłasia rasśledavańnie pa fakcie zamachu na zabojstva. Sam incydent adbyŭsia jašče ŭ lutym.
Uzimku 53-hadovy žychar Homiela ŭziaŭ da siabie ŭ dom biazdomnaha mužčynu, uradženca Viciebska, jaki zastaŭsia žyć u domie i dapamahać pa haspadarcy. Praŭda, sumiesnaje žyćcio nie abychodziłasia biez ałkahola.
Padčas adnaho z zastollaŭ u paryvie svarki hość nanios svajmu dabradzieju niekalki udaraŭ nažom. Haspadar doma cudam paśpieŭ vybiehčy na vulicu, dzie jaho zaŭvažyli minaki. Jany vyklikali chutkuju dapamohu i milicyju. Mužčynu špitalizavali.
Zhodna z zaklučeńniem sudova-miedycynskaj ekśpiertyzy na hałavie ŭ paciarpiełaha hamialčanina byli vyjaŭlenyja dźvie kołata-rezanyja rany, adna ź ich u ciemiannoj vobłaści z paškodžańniem rečyva hałaŭnoha mozhu i ŭnutrymazhavoje krovaźlićcio. Jak udakładniŭ aficyjny pradstaŭnik upraŭleńnia Dziaržkamiteta sudovych ekśpiertyz pa Homielskaj vobłaści Rusłan Habryloŭ, atrymanyja traŭmy pryviali da raźvićcia ŭ paciarpiełaha psichičnaha rasstrojstva.
Kryminalnaja sprava ŭ dačynieńni da 43-hadovaha abvinavačanaha pieradadziena prakuroru dla nakiravańnia ŭ sud. Viadoma, što abvinavačvany byŭ raniej sudzimy za kradziež i ŭchileńnie ad pakryćcia vydatkaŭ pa ŭtrymańni dziaciej.
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć6
Kamientary