Rečyckim rajonnym adździełam Śledčaha kamiteta raspačata kryminalnaja sprava pa fakcie asabliva złosnaha chulihanstva. U jakaści padazravanych prachodziać čatyry čałavieki, paviedamiła BIEŁTA aficyjny pradstaŭnik upraŭleńnia Śledčaha kamiteta pa Homielskaj vobłaści Maryja Kryvanohava.
«22-hadovy žychar Rečycy 17 červienia znachodziŭsia ŭ haściach u svajoj znajomaj. Raptam u kvateru ŭvarvalisia čaćviora mužčyn. Paśla pahroz i abrazaŭ na adras maładoha čałavieka troje ź ich pačali jaho źbivać. Zatym kampanija vyvieła chłopca na vulicu i, zapichnuli ŭ aŭtamabil, vyviezła ŭ les. Złamyśniki pryviazali maładoha čałavieka viaroŭkaj da dreva i pahražali padpałam. Jany źjechali, pakinuŭšy chłopca pryviazanym da dreva. Detali ŭ intaresach śledstva pakul nie nazyvajucca», — skazała Maryja Kryvanohava.
Praź niekatory čas maładomu čałavieku ŭdałosia vyzvalicca i paviedamić u milicyju. Infarmacyja pra aŭtamabil złamyśnikaŭ była pieradadziena patrulnym pastam. Kala dzieviaci hadzin viečara supracoŭniki milicyi zatrymali aŭtamabil u Rečycy. Adzin z padazravanych da hetaha času paśpieŭ schavacca. Troje mužčyn 1989 h., 1991 i 1990 hadoŭ naradžeńnia zatrymanyja i źmieščanyja ŭ izalatar časovaha ŭtrymańnia. Čaćviorty fihurant spravy, 46-hadovy žychar Rečycy, abvieščany ŭ vyšuk.
U dačynieńni da złamyśnikaŭ raspačata kryminalnaja sprava pa artykule «Asabliva złosnaje chulihanstva». Viadziecca śledstva.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary