U Maładziečanskim rajonie piacihadovaje dzicia pamierła ad aśfiksii pad viečkam kufra, jakoje ŭpała na jaho. Pra heta ŭ efiry «Alfa-radyjo» paviedamiła aficyjny pradstaŭnik Śledčaha kamiteta Julija Hančarova, piša BIEŁTA.
Niaščasny vypadak adbyŭsia 18 červienia ŭ adnoj ź viosak Maładziečanskaha rajona. Dzicia źnikła z pola zroku baćkoŭ litaralna na piać chvilin. Hulajučy ŭ dvary, chłopčyk vyrašyŭ zazirnuć u draŭlany kufar. Jon padniaŭ viečka pamieram 1,5 m na 1,8 m, i toje jaho prycisnuła. U vyniku nastupiła aśfiksija. Vyratavać dzicia nie ŭdałosia.
U hety ž dzień u Pastaŭski RAUS pastupiła paviedamleńnie ab tym, što ŭ centralnuju rajonnuju balnicu dastaŭlenaja dziaŭčynka 2013 hoda naradžeńnia z termičnym apiokam kipieniem 1-2-j stupieniaŭ (płošča apioku — 15%). Vyśvietliłasia, što baćki paprasili susiedku pahladzieć za dziciem. Padčas kupańnia dziaŭčynka vypadkova pierakuliła viadro z haračaj vadoj, u vyniku čaho i apiakłasia.
19 červienia ŭ Hrodnie adbyŭsia jašče adzin incydent. Mama vykaciła z padjezda na vulicu vazok z synam, pakinuła na placoŭcy pierad uvachodam, a sama viarnułasia pa rečy ŭ padjezd. Z-za nievialikaha ŭchiłu vazok pakaciŭsia i pierakuliŭsia, dzicia vypała, u vyniku čaho atrymała cialesnyja paškodžańni. Na ščaście, žyćciu chłopčyka ničoha nie pahražaje.
Pa dadzienych faktach pravodzicca pravierka.
Kamientary