U Siryi 31 maja byŭ zabity Turki al-Binali, viadomy jak hałoŭny prapaviednik terarystyčnaj arhanizacyi «Isłamskaja dziaržava». Pra heta paviedamiła centralnaje kamandavańnie ŭzbrojenych sił ZŠA.
Al-Binali zahinuŭ u vyniku avijaŭdaru, naniesienaj mižnarodnaj kaalicyjaj pa baraćbie ź ID pa abjektach terarystaŭ u Miejadynie - hety horad raźmieščany na bierazie Jeŭfrata na ŭschodzie Siryi; tudy, jak pisali zachodnija ŚMI, terarysty mahli pieranieści «stalicu» z Raki.
U paviedamleńni skazana, što al-Binali vykonvaŭ centralnuju rolu ŭ viarboŭcy zamiežnych bajevikoŭ i pravakavańni teraktaŭ pa ŭsim śviecie.
«Budučy hałoŭnym prapaviednikam ID z 2014 hoda, jon adkazvaŭ za prapahandu, padachvočvaje da zabojstvaŭ i inšym źvierstvy, sprabavaŭ lehitymizavać stvareńnie «chalifata» i byŭ davieranaj asobaj [lidara ID] Abu Bakra al-Bahdadzi», - zajavili amierykanskija vajskoŭcy.
Kamientary