Ułady ŭličyli mierkavańnie haradžan i vyrašyli zachavać siezonnyja pałatki z harodninaj i sadavinoj u stalicy. Pra heta TUT.BY raspavioŭ namieśnik staršyni Minharvykankama Andrej Damaracki.
Nahadajem, kala dziesiaci dzion tamu horad ahučyŭ infarmacyju, što źbirajecca pastupova pazbavicca ad pałatak z harodninaj i sadavinaj na vulicach Minska. Heta vyklikała nieadnaznačnuju reakcyju jak u pradaŭcoŭ, tak i pakupnikoŭ.
Siońnia ŭ liku inšych hetaje pytańnie abmierkavali na naradzie pad kiraŭnictvam namieśnika staršyni Minharvykankama Andreja Damarackaha. Jon skazaŭ, što infarmacyju ab zhortvańni pałatak niehatyŭna ŭspryniali žychary horada.
«Kamientary ŭ internecie pakazali, što pradukcyja, jakaja realizujecca ŭ takich pałatkach, zapatrabavanaja. Jana maje svajho pakupnika. Značyć, takuju formu handlu my pavinny zachavać. Masavaha znosu takich handlovych abjektaŭ nie budzie».
Pry hetym čynoŭnik adznačyŭ, što ŭ apošni čas nazirajecca tendencyja skaračeńnia kolkaści pałatak z harodninaj i sadavinoj pa inicyjatyvie samich arandataraŭ. Tak, u 2016 hodzie pa hetaj pryčynie była skasavanaja 41 damova, u 2017 — 21.
Andrej Damaracki dadaŭ, što pry pryniaćci rašeńniaŭ, jakija zakranajuć intaresy haradžan, ułada abaviazanaja ŭličvać mierkavańnie žycharoŭ.
«Niedapuščalna, kali słužby i śpiecyjalisty robiać vysnovy i prymajuć rašeńni, siedziačy ŭ svaich kabinietach i nie vyvučajučy mierkavańnie žycharoŭ i haściej stalicy».
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie23
Kamientary