Padatak dla paklejščykaŭ špaleraŭ biez adkryćcia IP moža dasiahać 145 rubloŭ, a dla stvaralnikaŭ sajtaŭ — 97 rubloŭ

Na Nacyjanalnym pravavym partale apublikavany ŭkaz №337 «Ab rehulavańni dziejnaści fizičnych asob» ad 19 vieraśnia 2017 hoda. Dakumientam pašyrajecca pieralik vidaŭ ekanamičnaj dziejnaści, jakimi hramadzianie majuć prava zajmacca biez rehistracyi ŭ jakaści indyvidualnych pradprymalnikaŭ pry ŭmovie vypłaty adzinaha padatku.

Va ŭkazie taksama prapisany pamiery bazavych stavak adzinaha padatku dla fizičnych asob, jakija buduć zajmacca ekanamičnaj dziejnaściu biez rehistracyi ŭ jakaści IP.

Staŭki dyfierencyjujucca u zaležnaści ad nasielenych punktaŭ: u pieršuju hrupu ŭvachodziać Minsk, Minski rajon, Brest, Viciebsk, Homiel, Hrodna, Mahiloŭ, u druhuju — Baranavičy, Babrujsk, Barysaŭ, Žłobin, Žodzina, Lida, Mazyr, Maładziečna, Navapołack, Orša, Pinsk, Połack, Rečyca, Śvietłahorsk, Słuck, Salihorsk, u treciuju — astatnija nasielenyja punkty.

Tak, staŭki adzinaha padatku pry realizacyi chlebabułačnych i kandytarskich vyrabaŭ, hatovaj kulinarnaj pradukcyi dla pieršaj hrupy nasielenych punktaŭ składuć 16—97 rubloŭ, dla druhoj — 15—60 rubloŭ i dla treciaj — 10—60 rubloŭ. Pry pradastaŭleńni fizičnym asobam žyłych pamiaškańniaŭ, sadovych domikaŭ, dač dla karotkaterminovaha pražyvańnia staŭki adzinaha padatku buduć raŭniacca 15—145, 42—145 i 23—120 rubloŭ adpaviedna za kožnaje žyłoje pamiaškańnie, sadovy domik, daču, zdadzieny ŭ najom.

Pamier bazavaj staŭki adzinaha padatku za vykanańnie rabot i akazańnie pasłuh pa dyzajnie interjeraŭ, hrafičnym dyzajnie, afarmleńni (upryhožvańni) aŭtamabilaŭ, unutranaj prastory kapitalnych pabudoŭ, pamiaškańniaŭ, inšych miescaŭ, madelavańnie pradmietaŭ afarmleńnia interjeru, tekstylnych vyrabaŭ, mebli, adzieńnia i abutku, pradmietaŭ asabistaha karystańnia i bytavych vyrabaŭ składzie 55—97, 50—87 i 30—57 rubloŭ adpaviedna.

Za dziejnaść, źviazanuju z ramontam hadzińnikaŭ, abutku; ramontam i adnaŭleńniem, uklučajučy pieraciažku, chatniaj mebli z materyjałaŭ zakazčyka; zborkaj mebli; naładkaj muzyčnych instrumientaŭ, adziny padatak vyznačany ŭ pamiery 25—86, 20—86 i 15—79 rubloŭ adpaviedna.

Staŭki adzinaha padatku pry raśpiłoŭcy i kołcy droŭ, pahruzcy i razhruzcy hruzaŭ składuć 5—39, 4,5—37 i 4—18 rubloŭ adpaviedna.

Pry vytvorčaści adzieńnia (u tym liku hałaŭnych uboraŭ) i abutku z materyjałaŭ zakazčyka staŭki vyznačany ŭ pamiery 25—113, 19—113 i 17—80 rubloŭ, pry ažyćciaŭleńni tynkavych, malarnych, šklanych rabot, rabot pa ŭkładcy pakryćciaŭ padłohi i ablicoŭvańni ścien, abklejvańni ścien špalerami, muravańnie (ramont) piečy i kamina — 52—145, 42—145 i 23—120 rubloŭ adpaviedna.

Raspracoŭka veb-sajtaŭ, ustaloŭka (naładka) kampjutara i prahramnaha zabieśpiačeńnia, adnaŭleńnie kampjutaraŭ paśla zboju, ramont, techabsłuhoŭvańnie kampjutaraŭ i pieryfieryjnaha abstalavańnia, navučańnie pracy na piersanalnym kampjutary abyducca ŭ 55—97, 50—87 i 30—57 rubloŭ adpaviedna.

Staŭki pry akazańni kaśmietyčnych pasłuh, pasłuh cyrulnika, pasłuh pa manikiury i piedykiury składuć 38—116, 32—60 i 21—47 rubloŭ adpaviedna.

• 0
• 0
• 0
• 0
• 0
• 0
• 0
• 0