Urad zaćvierdziŭ Nacyjanalny płan dziejańniaŭ pa palapšeńni stanovišča dziaciej i achovie ich pravoŭ na 2017 — 2021 hady, paviedamlaje Tut.by sa spasyłkaj na sajt Savieta ministraŭ.
Fota Iryny Arachoŭskaj.
Płan budzie sadziejničać umacavańniu pravavoj abarony dziacinstva i farmiravańniu pravavoj kultury hramadstva, ažyćciaŭleńniu achovy maciarynstva i dziacinstva, udaskanaleńniu miechanizmu realizacyi pravoŭ dziaciej na sacyjalnuju abaronu i inkluziju, zabieśpiačeńniu achovy zdaroŭja dziaciej, biaśpieki žyćciadziejnaści, a taksama akazvać sudziejańnie ich zdarovamu ładu žyćcia, supraćdziejańnie infarmacyi, jakaja nanosić škodu zdaroŭju, maralnamu i duchoŭnamu raźvićciu dziaciej i inš.
Usiaho ŭ płanie 103 punkty. U tym liku:
- Raspracoŭka ŭniviersalnaha veb-partała, jaki ŭtrymlivaje infarmacyju ab dzieciach, u adpaviednaści ź mižnarodnymi standartami.
- Zabieśpiačeńnie pavyšeńnia prafiesijnaj kampietentnaści piedahahičnych rabotnikaŭ ustanoŭ adukacyi pa pytańniach farmiravańnia ŭ navučencaŭ navykaŭ zdarovaha ładu žyćcia, pravavoj i infarmacyjnaj kultury.
- Zabieśpiačeńnie pavyšeńnia kvalifikacyi lekaraŭ-piedyjatraŭ i lekaraŭ ahulnaj praktyki, miedsiaścior u metach vykarystańnia novych viedaŭ pry chatnim naviedvańni dziaciej rańniaha ŭzrostu.
- Praviadzieńnie kompleksnaha daśledavańnia ab ustanaŭleńni raspaŭsiudžanaści pryčyn i faktaraŭ suicydalnych pavodzin dziaciej i padletkaŭ.
- Raspracoŭka prahram i prajektaŭ pa palikulturnym vychavańni navučencaŭ, farmiravańni talerantnaha staŭleńnia, razumieńnia adroźnieńniaŭ, umieńnia supraćstajać zababonam i inšym źjavam, viadučym da sacyjalnaj izalavanaści.
- Uklučeńnie ŭ navučalnyja prahramy dyscyplin adukacyjnych prahram vyšejšaj adukacyi i dadatkovaj adukacyi darosłych pytańniaŭ farmiravańnia kultury nienasilla ŭ hramadstvie, reabilitacyi dziaciej, jakija paciarpieli ad hvałtu, prafiłaktyki hvałtu nad dziećmi, hvałtu ŭ siamji.
- Vyvučeńnie stanovišča dziaciej-invalidaŭ šlacham praviadzieńnia vybaračnaha abśledavańnia chatnich haspadarak u metach kompleksnaj acenki stanovišča asob z abmiežavanymi mahčymaściami.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?4
Kamientary