Łukašenka aburyŭsia daŭhabudami: «Navat tam, dzie ja baču štodnia, heta nazyvajecca «žudaść»
Łukašenka daručyŭ pravieryć vykanańnie terminaŭ budaŭnictva abjektaŭ pa zaklučanych inviestycyjnych damovach. Jak paviedamiła pres-słužba kiraŭnika dziaržavy, takoje patrabavańnie jon ahučyŭ u aŭtorak na naradzie pa prajekcie novaj redakcyi Žyllovaha kodeksa i pytańniach udaskanaleńnia zakanadaŭstva pa skaračeńni pustych i starych damoŭ.
«My siońnia padšturchoŭvajem roznaha rodu hramadzian i inviestaraŭ da budaŭnictva. Vy viedajecie maje patrabavańni. Jany ŭžo ŭ zakanadaŭčych aktach, mabyć, vyznačany. Kali nie, Mickievič (namieśnik kiraŭnika Administracyi prezidenta Valeryj Mickievič) paviedamić, — skazaŭ kiraŭnik dziaržavy. - Jość žalezabietonnyja terminy, jakija ŭ inviestycyjnych damovach paznačanyja. I dla hramadzian. U bližejšy čas, pačynajučy ź Minska, my pravierym, jak vykonvajucca hetyja terminy. Ale navat tam, dzie ja baču kožny dzień,— heta nazyvajecca «žudaść». Zamiest dvuch — piać hadoŭ.
Stajać zakinutyja, zarosłyja bylniahom ŭ horadzie-hieroi Minsku budynki i pamiaškańni, na jakija uvahu načalnikaŭ ja ŭžo źviartaŭ».
Alaksandr Łukašenka nahadaŭ, što raniej užo była dasiahnutaja damoŭlenaść ab uciahvańni ŭ abarot roznaj ułasnaści, u pryvatnaści niezavieršanaha budaŭnictva. «Navat tam, dzie ja jezdžu kožny dzień, užo treci hubiernatar sprabuje pakazać, jak idzie praca. Ale pracy hetaj niama», paviedamlaje Tut.by.
Pa słovach kiraŭnika krainy, miascovyja ŭłady časam nie mohuć sami vyznačycca, što rabić z padobnymi abjektami. «I heta ŭ Minsku faktyčna. Niaŭžo na ŭłasnaść, pamiaškańnia i inšaje zadavolili popyt, što biaspłatna navat nie chočuć uziać? Tady nam treba hetym zajmacca», — zaŭvažyŭ Łukašenka.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary