Lasnyja pažary na paŭdniovym zachadzie Jeŭropy pryviali da hibieli sama mieniej 31 čałavieka ŭ Partuhalii i jašče troch — u Ispanii. Ahoń bušavaŭ ŭsie vychodnyja, i z paŭtary sotniaŭ ačahoŭ uzharańniaŭ dziasiatki da hetych nie patušany.
Ułady vinavaciać padpalščykaŭ, haračaje leta i mocny viecier, jaki prynios u rehijon urahan Afielija.
Tysiačy pažarnych zadziejničany ŭ tušeńni ahniu. Im dapamahajuć žychary paciarpiełych rehijonaŭ.
Kolkaść paranienych u Partuhalii pieravysiła 50 čałaviek, ź jakich paŭtara dziasiatka — u ciažkim stanie. Siarod niekalkich źnikłych bieź viestak — niemaŭla, jakoje naradziłasia ŭsiaho miesiac tamu.
Dvoje z troch zahinułych u Ispanii byli vyjaŭlenyja ŭ zharełaj mašynie na abočynie darohi.
Usiaho čatyry miesiacy tamu Partuhalija pieražyła samyja razburalnyja lasnyja pažary ŭ svajoj historyi.
Prykładna na pałovie terytoryi Partuhalii ŭviedziena nadzvyčajnaje stanovišča. Dziasiatki daroh pierakrytyja, začynienyja niekatoryja navučalnyja ŭstanovy.
«Tut u Pasos-de-Borba vialiki pažar pačaŭsia a pałovie na druhuju ranicy ŭ piaci roznych miescach. Jasna, što pryrodnymi pryčynami takoje rastłumačyć niemahčyma», — skazaŭ premjer Ispanii Rachoj, jaki padazraje padpał.
Kamientary