Učora siłaviki zatrymali adnaho z samych upłyvovych budaŭnikoŭ Biełarusi, dyrektara kruhlanskaj PMK № 266 Mikałaja Patrončyka, paviedamlaje Tut.by sa spasyłkami na niekalki nie źviazanych pamiž saboj krynic.
— Kažuć, učora Patrončyka — u kajdanki i paviali. U Kruhłym hetaja padzieja mahutniejšaja za «Dažynki», — kaža surazmoŭca TUT.BY.
Druhaja krynica raspaviadaje, što ŭ dačynieńni da Patrončyka ŭzbudžanaja kryminalnaja sprava. Jaho padazrajuć u kradziažy ŭ asabliva bujnym pamiery.
— Usio vyrašałasia na ŭzroŭni samaha hałoŭnaha čałavieka ŭ krainie (Alaksandra Łukašenki. — Zaŭvaha. TUT.BY), — dadaje surazmoŭca.
Zasłužany budaŭnik Biełarusi Mikałaj Patrončyk kiruje samym paśpiachovym pradpryjemstvam u horadzie Kruhłaje Mahiloŭskaj vobłaści. Heta dziaržaŭnaja arhanizacyja «Kruhlanskaja pierasoŭnaja miechanizavanaja kałona № 266» (PMK), dzie pracuje bolš za tysiaču čałaviek.
Pa telefonie na pradpryjemstvie raskazali, što Patrončyka «nie budzie da Novaha hoda». Pryčynu adsutnaści nie patłumačyli. Abaviazki kiraŭnika ciapier vykonvaje Siarhiej Kurankoŭ.
U Kamitecie dziaržkantrolu paviedamili, što viedamstva nie maje infarmacyi pra kryminalny pieraśled u dačynieńni da Patrončyka. U KDB taksama niama źviestak na hety kont. U Śledčym kamitecie nie abvierhli i nie paćvierdzili zatrymańnie Patrončyka i paabiacali prakamientavać hetaje pytańnie paźniej.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary