Navukova-daśledčaje kiraŭnictva VMS ZŠA atrymała ŭ kancy studzienia bieśpiłotnaje sudna, zdolnaje adsočvać biasšumnyja padvodnyja łodki, piša RIA Novosti sa spasyłkaj na National Interest.
Sudna «Marski palaŭničy» (Sea Hunter), jakoje pieradadziena amierykanskim vajskoŭcam ŭ ramkach prahramy pa stvareńni bieśpiłotnych karabloŭ dla adsočvańnia adnosna biasšumnych dyziel-elektryčnych padvodnych łodak (ACTUV), maje daŭžyniu 40 mietraŭ i zdolnaje raźvivać chutkaść 27 vuzłoŭ (50 kiłamietraŭ za hadzinu). Vydańnie adznačaje, što heta samy vialiki ŭ śviecie bieśpiłotny karabiel.
Vajskoŭcy miarkujuć, što «Marski palaŭničy» moža stać pieršym uzoram u novym kłasie sudoŭ, zdolnych pieraadolvać vielizarnyja adlehłaści biez ekipaža na borcie.
Na dumku ekśpiertaŭ, adnosnaja tannaść ŭ ekspłuatacyi ŭ paraŭnańni z tradycyjnymi eskadranymi minanoscami — adna ź pieravah «Marskoha palaŭničaha». Štodzionnaje absłuhoŭvańnie bieśpiłotnaha karabla abyjdziecca VMS ZŠA ŭ 15—20 tysiač dalaraŭ, u toj čas jak eskadrany minanosiec patrabuje štodzionnych vydatkaŭ u pamiery 700 tysiač dalaraŭ.
Prymajučy pad uvahu pavieličeńnie kolkaści padłodak imaviernych supiernikaŭ, palapšeńnie supraćłodkavaj abarony ZŠA, jak piša NI, stała nieadkładnaj zadačaj dla amierykanskich vajskoŭcaŭ.
Pa niekatorych padlikach, ahulnaja kolkaść kitajskich dyziel-elektryčnych padłodak da 2030 hoda dasiahnie 75 adzinak, pry hetym mnohija ź ich buduć adpaviadać pieradavym standartam. NI taksama adznačaje pośpiechi Rasii ŭ adnaŭleńni padvodnaha fłotu.
Na dumku ekśpiertaŭ, «Marski palaŭničy» moža być pryniaty na ŭzbrajeńnie VMS ZŠA ŭžo sioleta. Akramia taho, u śniežni minułaha hoda amierykanski fłot zaklučyŭ kantrakt na raspracoŭku jašče adnaho bieśpiłotnaha sudna pad papiaredniaj nazvaj «Marski palaŭničy — 2».
Kamientary