Za tydzień dziejańnia novych praviłaŭ maderacyi kolkaść kamientaroŭ vyrasła na 3%, prahledžanych staronak — na 5%
Ad 8 lutaha na sajcie NN.by zapracavali novyja praviły kamientavańnia. Heta byŭ asensavany krok Redakcyi — my ŭpeŭnienyja, što pavyšeńnie kultury dyskusii — patreba času i važny krok dla ŭmacavańnia supolnaści.
Niekatorymi ekśpiertami, u tym liku ŭ efiry dziaržaŭnych telekanałaŭ, vykazvałasia dumka, što takoje novaŭviadzieńnie ŭdaryć pa «Našaj Nivie» — maŭlaŭ, šmat chto zachodziŭ na sajt mienavita ŭ pošukach brydkich kamientaroŭ.
Adnak heta absalutna niapravilnaje razumieńnie aŭdytoryi «Našaj Nivy», bolšaja častka jakoj — vychavanyja ludzi, jakija ŭmiejuć dumać i majuć uzvažanaje mierkavańnie. Brud u kamientarach pieraškadžaje im.
Statystyka pakazvaje, što kolkaść napisanych na sajcie kamientaroŭ za minuły tydzień tolki vyrasła.
Za pieryjad z 8 da 14 lutaha pad artykułami na NN.by było napisana 7575 kamientaroŭ. Dla paraŭnańnia, z 1 da 7 lutaha nami było atrymana 7360 kamientaroŭ.
Pracent vydalenych mierkavańniaŭ vyras z 14% da 22%. My hatovyja žorstka maderavać brudnyja kamientary i nadalej.
Adznačym, što za hety tydzień vyrasła i kolkaść naviednikaŭ sajta (na 3,27%), i kolkaść prahledžanych staronak (na 4,9%).
«Naša Niva» mianiaje palityku maderacyi kamientaroŭ
Ciapier čytajuć
U Minsku pierasabrali Rakaŭskaje pradmieście. Tam užo hulajuć, fatahrafujucca i jaduć13
Kamientary