Top-10 biełaruskamoŭnych knih, jakija varta nabyć na Minskim knižnym kirmašy
U budynku «Biełekspa» praciahvaje pracu Minski knižny kirmaš. Bolš za paŭsotniu vydaviectvaŭ pradstaŭlajuć tut svaju pradukcyju. Najlepš pradstaŭlenyja, naturalna, biełaruskija stendy i rasijskija.
«Naša Niva» prapanuje rejtynh samych cikavych vydańniaŭ, što možna znajści na razvałach «Biełekspa».
Volha Hapiejeva, «Dźvie aviečki»
Cana: 16,8 rubloŭ
Kali šukajecie niešta vartaje dla svaich dzietak, to najpierš zavitajcie na stend vydaviectva «Halijafy». Heta dychtoŭna aformlenaje vydańnie z cudoŭnymi ilustracyjami mastački Marty Hieraščanka. Miłyja hieroi knihi padarožničajuć i traplajuć u samyja niezvyčajnyja historyi. Sačyć za ichnimi pryhodami budzie viesieła i cikava.
Šarl Piero, «Čaradziejnyja kazki» i Tuvie Jansan «Miemuary Mumitaty»
Cana: pa 10 rubloŭ
Hetyja kazki Šarla Piero pa-biełarusku vydavali ŭ pačatku 1990-ch. Ciapier śviet pabačyła pieravydańnie ź minimalnymi źmienami. Cudoŭnaje novaje afarmleńnie mastački Jaŭhienii Cybulskaj. Što tyčycca Tuvie Jansana, to heta piataja knižka ź sieryi. Pierakład vykanała Alesia Bašarymava. Šukać na stendzie Źmitra Kołasa, tam možna znajści bahata i inšaj pierakładnoj litaratury.
Michaś Stralcoŭ, «Ja znoŭku tut»
Cana: 12 rubloŭ
«Udava Stralcova Alena Dźmitryjeŭna na hetuju knihu skazała, što Michaś płakaŭ by ad ščaścia, kali b jaje pabačyŭ», — raskazała «NN» pradstaŭnica vydaviectva «Mastackaja litaratura» Aksana Sprynčan. Heta pieršaja kniha ź sieryi «100 vieršaŭ». Układaŭ vydańnie paet Viktar Šnip.
Aleś Razanaŭ, «Takaja i hetaki: tałakuje z małankaj doždž»
Cana: 14,4 rubla
U vydaviectvie «Mastackaja litaratura» ŭpeŭnienyja, što heta budzie adna ź ich najlepšych knih sioleta. Adno z najbolš poŭnych vydańniaŭ punkciraŭ Razanava azdoblena hraviurami maładoj mastački Kaciaryny Daśko, jana pracavała z Razanavym bolš za try hady. Kniha atrymałasia vielmi stylovaj. «Takuju nie soramna z saboj i ŭ łožak uziać», — kaža Aksana Sprynčan.
Bohdan Musiał, «Savieckija partyzany ŭ 1941-1944 hh. Mify i rečaisnaść»
Cana: 15 rubloŭ
Heta polski daśledčyk, jaki doŭha pracavaŭ u Niamieččynie. Daśledavańnie tyčycca partyzanki na terytoryi Biełarusi. «Razhladajecca ź nietradycyjnaha hledzišča, bo havorka nie tolki ab pazityŭnych aśpiektach, ale i ab tych, jakija pryniata zamoŭčvać u nas: uzajemadziejańnie ź mirnym nasielnictvam, z palakami, jaŭrejami, nastroi ŭnutry atradaŭ», — raskazvaje historyk Alaksandr Paškievič. Šukać na stendzie časopisu ARCHE.
Jaanna Furhalińska, «Polskaja kuchnia. Adčuj smak tradycyj»
Cana: 18 rubloŭ
Tradycyjnaja kuchnia z receptami na kožny dzień. Aryhinalnaść — u kalarovych ilustracyjach z maleńkimi kamientarami. «Pa takich vizualnych receptach pryhatavać smačnyja stravy zdolny navat čajnik», — śmiajecca vydaviec Andrej Januškievič.
Vinceś Mudroŭ, «Pomnik litary Ŭ»
Cana: 10 rubloŭ
Vinceś Mudroŭ — pryznany majstar karotkaj prozy. Lepšaha aŭtara ŭ hetym žanry ŭ nas, moža i niama. U zborniku sabranyja apaviadańni i naveły, napisanyja piśmieńnikam z Navapołacka ciaham apošnich 10 hadoŭ.
Janka Kupała, «Encykłapiedyja», 1 tom
Cana: 24 rubli
Pieršaja encykłapiedyja ab tvorčaści vialikaha paeta vyjšła jašče ŭ 1986 hodzie. Ale, jak kaža ministr infarmacyi Aleś Karlukievič, z vydańniem 2017 jaje hoda prosta nielha paraŭnać. «Nieba i ziamla!», — kaža ministr. Heta apošniaja kniha, jakuju pračytaŭ Karlukievič. Kaža, što raić i ŭsim inšym.
Uładzimir Karatkievič, «Čazienija»
Cana: 14 rubloŭ
Vydaviectva «Papury», jakoje nie duža śpiecyjalizujecca na biełaruskamoŭnaj litarutry, praciahvaje vydavać tvory Uładzimira Karatkieviča. U novy pryhožy tom, aproč Čazienii, uvajšli apaviadańni «Knihanošy», «Siniaja-siniaja», «Vialiki Šan Jan» i «Biełaje Połymia». Pastavić takoje vydańnie na svajoj knižnaj palicy budzie prosta pryjemna.
Adčynienaja Biblija, Pieršaja Biblija
Cana: pa 20 rubloŭ
Znajomstva z azami relihii dla samych maleńkich. Absalutna cudoŭna aformlenyja vydańni. Navat i starejšym budzie cikava pahartać takija staronki dy paŭziracca ŭ karcinki. Šukać na stendzie bresckaha vydaviectva «Błahaviest».
Bonus — karty
Cana: karta VKŁ 1,80, hieraldyčnaja — 2,95 rubloŭ
Na žal, vialikaha vybaru kartaŭ na biełaruskaj movie niama.
Jość «Hieraldyka Biełarusi» z hierbami bujniejšych haradoŭ, jašče možna nabyć kartu časoŭ VKŁ. Dobry padarunak siabram i znajomym.
-
«Emihracyja — heta repietycyja śmierci»
-
Ad vieršaŭ dla samych maleńkich pierad snom da «biełaruskaj manhi» dla padletkaŭ. Što čytać dzieciam na rodnaj movie
-
«Viaduć nieludzimy ład žyćcia, razmaŭlajuć pa-biełarusku». Uładzimir Arłoŭ raskazaŭ pra novuju knihu i zhadaŭ, jak susiedzi pisali na jaho danosy
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary