Google pradstaviła novuju viersiju Android P: piać hałoŭnych novaŭviadzieńniaŭ
Kampanija Google adkryvaje dla raspracoŭščykaŭ novuju viersiju AS Android. Sistema paznačanaja litaraj «P», što praciahvaje tradycyju vykarystoŭvać nazvy ŭ ałfavitnym paradku. Dahetul byli Lollipop, Marshmallow, Nougat, Oreo, ale pakul niezrazumieła, jakuju poŭnuju nazvu atrymaje abnaŭleńnie.
Što na dadzieny momant viadoma pra novuju viersiju apieracyjnaj sistemy?
Padtrymka «harłaviny» ŭ dyspłei
Razam z modaj na adsutnaść ramak vakoł ekrana mabilnych pryładaŭ źjaviłasia šmat smartfonaŭ z harłavinaj u ekranie, jaki ŭ narodzie atrymaŭ nazvy «čołka», «monabryvo». Heta ŭskładniaje pracu raspracoŭščykaŭ, bo treba adaptavać interfiejs sistemy i dadatkaŭ.
Ciapier raspracoŭščyki smartfonaŭ zmohuć źmianiać vyšyniu radka stana, vykarystoŭvać prastoru na ekranie sprava i źleva ad harłaviny roznaj formy.
Novy dyzajn
Google čarhovy raz pierapracavała źniešni vyhlad standartnych voknaŭ — apaviaščeńniaŭ, naładaŭ i inšych interfiejsaŭ. Punkty ŭ mieniu atrymali zakruhlenyja vuhły, a ŭ cełym interfiejs staŭ bolš śvietłym i kalarovym.
Novy punkt apaviaščeńniaŭ
Ciapier naŭprost z punktu apaviaščeńniaŭ, što vysoŭvajecca źvierchu, źjaviłasia mahčymaść chutkich adkazaŭ na paviedamleńni ź miesiendžaraŭ. Na skrynšocie nižej pakazana, jak na pytańnie «Jak nakont sušy?» sistema prapanuje try adkazy: «Dobra, ubačymsia», «Hučyć niakiepska» i «Vybačaj, nie mahu».
Prapanavanyja «razumnyja» adkazy buduć zaležać ad źmiestu paviedamleńnia.
Padtrymka niekalkich kamier
Android P pradastaŭlaje standartnuju padtrymku šmatkamiernych modulaŭ. Heta sprościć praces naładaŭ kamier na smartfonach, i raspracoŭščyki zmohuć dadać padtrymku funkcyj razmyćcia zadniaha fonu abo aptyčnaha zumu za košt pieraklučeńnia pamiž roznymi modulami. Taksama dla inšych dadatkaŭ źjavicca mahčymaść zdymki adrazu z dvuch kamier dla stvareńnia 3D-efiektu.
Navihacyja ŭnutry budynkaŭ
U novaj AS uvodzicca padtrymka pratakołu Wi-Fi IEEE 802.11mc (RTT). Kali taki standart sietki raspaŭsiudzicca va ŭsich kropkach śvietu, karystalniki zmohuć vykarystoŭvać karty dla navihacyi ŭnutry budynkaŭ, dzie GPS daje nizkuju dakładnaść, u toj čas jak Wi-Fi RTT daje dakładnaść pazicyjanavańnia ŭ 1-2 mietry. Budzie zručna šukać patrebnuju kramu ŭ vialikich handlovych centrach abo mašynu na parkoŭcy.
-
Falsifikacyi ŭ daśledavańniach chvaroby Alchiejmiera. Jak vyniki pryviali nie tudy
-
Biełaruskija vučonyja pachvalilisia papiarovymi kubačkami, vyrablenymi pa novaj technałohii. Takija to rabili daŭno, ale našy dadali inšaje rečyva
-
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary