Minski world rock-hurt Re1ikt i vilenskaja manufaktura Pi i Mar prezientujuć kraftavuju harbatu «Reliktavy les».
Napoj stvorany da pieravydańnia alboma «Lekavyja travy», jaki vyjšaŭ u 2015 hodzie i byŭ vysoka acenieny krytykami dy słuchačami.
«Pośpiech alboma (a heta vialikaja kolkaść pradadzienych dyskaŭ, bieźlič kamientaroŭ, łajkaŭ, prahladaŭ i prasłuchoŭvańniaŭ) navioŭ nas na dumku ŭvasobić u fizičnaj formie toje, što, ułasna, natchniła na stvareńnie albomu - zbor biełaruskich ziołak. Tamu sumiesny prajekt - harbata «Reliktavy les» - jaho łahičny praciah», - kaža lidar Re1ikt bubnač Alaksandr Dziemidzienka.
Manufaktura harbaty ŭ Vilni Pi i Mar źbiraje inhrydyjenty, jakimi bahataja biełaruskaja ziamla - śviežyja travy dy kvietki, - i tradycyjnyja dla jeŭrapiejskaj harbaty śpiecyi.
U składzie napoju «Reliktavy les» - chvoja, jadłoviec, jabłyk i čorny čaj. Navinka źjavicca ŭ mieniu staličnaha «Hraj-kafe», a taksama na palicach biełaruskich kram.
«Mnohija artysty stvarajuć ułasnyja brendy (prykładam, Snup Doh vyrablaje dyzajnierskaje adzieńnie, a Ryjana - kaśmietyku), choć hetyja rečy ŭ bolšaści vypadkaŭ mała źviazanyja z muzykaj. My ž pamierkavali, što biełarusam da smaku budzie mienavita badziorlivy eka-napoj.
Kab ludzi mahli pahłybicca ŭ atmaśfieru «Lekavych traŭ» macniej, kab zmahli pieražyć novyja emocyi. Kab spałučeńnie muzyki i smaku abudziła ŭ ich novyja vobrazy i fantazii», - tłumačyć Alaksandr Dziemidzienka.
Dehustacyja harbaty «Reliktavy les» dla ŭsich achvotnych i akustyčny kancert Re1ikt projduć u «Hraj-kafe» (h. Minsk, vuł. Internacyjanalnaja, 33) 18 sakavika ŭ 19.00.
Hurt Re1ikt spałučaje sučasnyja muzyčnyja płyni z tradycyjnym biełaruskim piesiennym falkłoram. Kalektyŭ vykarystoŭvaje redkija duchavyja i pierkusijnyja instrumienty, a taksama niezvyčajnyja hitarnyja efiekty. Re1ikt atrymaŭ šerah muzyčnych uznaharod u Polščy i Biełarusi, vystupaŭ va Ukrainie, u Litvie i Rasii.
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary