Viečaram treciaha krasavika Sud Maskoŭskaha rajona aštrafavaŭ aktyvista Alesia Taŭstyku na 15 bazavych vieličyniaŭ (367,5 rubloŭ) za ŭdzieł u niesankcyjanavanym masavym mierapryjemstvie pa č.3 art. 23.34 KaAP, pieradaje PC «Viasna». Jaho zatrymali kala 14.00 la padjezda svajho doma i dastavili ŭ RUUS Maskoŭskaha rajona. Viečaram nad im adbyŭsia sud.
Sudy nad zatrymanymi Viačasłavym Kasinieravym i Piatrom Markiełavym adbyvajucca ciapier u sudzie Maskoŭskaha rajona. Noč jany praviali ŭ izalatary.
Spravy razhladajuć sudździ Matyl i Kazak. Abjaŭleny pierapynki dla aznakamleńnia sa spravaj Piatra Markiełava i prybyćciom advakata Viačasłava Kasinierava.
Pravaabaroncam stała viadoma, što sud aštrafavaŭ Piatra Markiełava na 25 bazavych vieličyniaŭ.
2 krasavika na płoščy Niezaležnaści adbyŭsia pikiet za dekryminalizacyju marychuany i inšych kantralavanych rečyvaŭ. Aktyvisty prymierkavali pikiet da pačatku viasnovaj sesii Pałaty pradstaŭnikoŭ i nakiravali tudy zvarot, dzie nahadali pra zapatrabavanaść reformy artykuła 328 Kryminalnaha kodeksu.
Pikiet praciahvaŭsia niekalki chvilinaŭ, na praciahu jakich aktyvisty zrabili fotazdymak z kartačkami «Dekryminalizacyja 328» nasuprać Doma ŭrada, i razyšlisia. Padčas akcyi nichto zatrymany nie byŭ, usie zatrymańni adbylisia na nastupny dzień 3 krasavika.
Kamientary