Ašałamlalny pavarot: 92-hadovy palityk viarnuŭsia da ŭłady ŭ Małajzii
92-hadovy Machatchir Machamad stanie premjer-ministram Małajzii. Śpiecyfika situacyi ŭ tym, što Machatchir — były aŭtarytarny kiraŭnik krainy, jaki 15 hadoŭ tamu pieradaŭ uładu pierajemniku. Ciapier jon niečakana abjadnaŭ apazicyju i prymusić pierajemnika, staŭleńnie da jakoha jon źmianiŭ, syści.
Machatchir Machamad byŭ kiraŭnikom Małajzii z 1981 da 2003 hoda, paśla čaho pieradaŭ uładu kaleham pa partyi, jakaja niaźmienna kiravała hetaj azijackaj krainaj.
Ciapier ža ačoleny Machatchiram Machamadam apazicyjny «Sajuz nadziei» (Pakatan Harapan) zdabyŭ 113 miescaŭ u 222-miascovym parłamiencie krainy.
92-hadovy palityk abiacaje dabicca vyzvaleńnia z turmy lidara apazicyi Anvara Ibrahima i pieradać premjerskaje kresła jamu. Niezvyčajnaści situacyi nadaje toj fakt, što Ibrahima źniavolili pa abvinavačvańni ŭ sadamii, jakaja ŭ Małajzii karajecca. Apazicyja ŭpeŭnienaja, što sprava taja była sfabrykavanaja, a žonka Ibrahima była pravaj rukoj Machamada na ŭdałych dla ich vybarach.
Małajzija — kraina ŭ Paŭdniova-Uschodniaj Azii z nasielnictvam 32 młn čałaviek. Bolšaść nasielnictva składajuć małajcy, musulmanie. Ale ŭ krainie žyvie i niemałaja kitajskaja mienšaść. Dziakujučy paśpiachovaj ekanamičnaj palitycy Machamada, Małajzija ŭ svoj čas vyrvałasia napierad pa svaim ekanamičnym raźvićci. Na siońnia VUP na dušu nasielnictva tam udvaja bolšy, čym u Biełarusi.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary