U miežach litaraturnaha fiestyvalu «Horad i Knihi» projdzie sustreča z łaŭreatami premii «Debiut» imia Maksima Bahdanoviča. U sustrečy biaruć udzieł Vital Ryžkoŭ, Hanna Jankuta, Zarasłava Kaminskaja, Hanna Komar.
Chto hetyja litaratary, kamu štohod uručajuć hałoŭny pryz premii? Za jakija knihi prozy, paezii i pierakładaŭ ich adznačajuć? Pryjdzicie i pačujcie hałasy novaj biełaruskaj litaratury!
Vital Ryžkoŭ — pieršy łaŭreat premii «Debiut» imia Maksima Bahdanoviča ŭ naminacyi «paezija». Jaho adznačyli za knihu vieršaŭ «Dźviery, zamknionyja na klučy» (Łohvinaŭ, 2010).
Vital — kruty słemier. Jon biare ŭdzieł u «bitvach» paetaŭ, u jakich słuchačy abirajuć najlepšaha.
Ryžkoŭ maje ŭłasny muzyčny rep-prajekt — Angst. Jon supracoŭničaŭ jak aŭtar tekstaŭ i pierakładčyk z hurtami Mauzer, «Hluki», Zatoczka, Nizkiz, z Hannaj Chitryk, Vitalom Varanko.
Hanna Komar — atrymała hałoŭny pryz premii «Debiut» za 2017 hod za pierakład zbornika vieršaŭ Čarłza Bukoŭski «Śviatło, i pavietra, i miesca, i čas» (razam ź Julaj Cimafiejevaj i Natallaj Binkievič).
Hanna piša i ŭłasnyja vieršy. Jaje debiutny zbornik nazyvajecca «Strach vyšyni». Za hetuju knihu jana atrymała premiju imia Marzii Zakirjanavaj u naminacyi «Najlepšy žanočy aŭtar 2017 hoda». Sioleta jaje kniha ŭ pierakładzie na anhlijskuju vyjdzie ŭ Łondanie.
Zarasłava Kaminskaja — atrymała premiju «Debiut» za 2017 hod za knihu prozy «Rusałki kličuć».
Zarasłava pracuje ŭ bujnoj kampanii ŭ adździele PR. Kab atrymać dypłom rekłamščycy, jana skončyła žurfak BDU. A kab udaskanalić litaraturnaje majsterstva, advučyłasia ŭ Škole maładoha piśmieńnika.
Hanna Jankuta adznačana «Debiutam» za 2012 hod za pierakład knihi «Kaladny charał» Čarłza Dykiensa.
Hanna — adna z redaktarak sajta pierakładnoj litaratury prajdzisvet.org. Jana pierastavaraje tvory z anhielskaj, polskaj, afrykaans, niderłandskaj. Dziakujučy jaje pracy my majem pa-biełarusku «Zamak Otranta» Chorasa Ŭołpała, vieršy i apaviadańni Edhara Po, knihi Artura Konan Dojła, Česłava Miłaša, Balasłava Leśmiana i šmat kaho jašče.
Sustreča projdzie ŭ subotu 19 maja, 16.30, u dvoryku Hałoŭnaha korpusa BNTU (pr-t Niezaležnaści, 65), Ekśpiertnaja placoŭka fiestyvalu, uvachod volny.
Premija «Debiut» imia Maksima Bahdanoviča była zasnavanaja ŭ 2010 hodzie Biełaruskim PEN-centram, Dabračynnym fondam «Viartańnie» i Sajuzam biełaruskich piśmieńnikaŭ. Siarod papiarednich pieramožcaŭ premii — Vital Ryžkoŭ, Andruś Horvat, Natałka Charytaniuk, Anton Francišak Bryl, Viktar Marcinovič, Andrej Adamovič, Michał Baranoŭski, Adela Dubaviec, Hanna Jankuta, Uładź Lankievič, Kaciaryna Oaro, Kaciaryna Macijeŭskaja, Alaksiej Pałačanski, Taćciana Niadbaj, Anatol Ivaščanka, Śviatłana Rohač i inšyja.
Ciapier čytajuć
Łosik raskazaŭ, jak Babaryku katavali ŭ navapołackaj kałonii10
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch88
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch8
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»11
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu44
Kamientary