U Talinie adkryli miemaryjał pamiaci achviar kamunizmu, paviedamlaje estonskaje radyjo. Na im vybityja imiony bolš za 22 tysiač estoncaŭ, jakija zahinuli ŭ vyniku dziejańniaŭ savieckaj ułady.
Udzieł u cyrymonii adkryćcia manumienta pryniali prezident Estonii Kierści Kaljułajd i ministr justycyi Urmas Rejnsału. Akramia taho, na cyrymoniju zaprasili bolš za 500 čałaviek, represavanych u hady SSSR.
Miemaryjał u rajonie Maarjamiae składajecca ź dźviuch častak. Pieršaja ź ich, jakaja maje nazvu «Šlach», ujaŭlaje saboj dźvie ściany, na jakich vybityja imiony zahinuŭšych u vyniku represij estoncaŭ. Naviedvalniki, jakija prachodziać uzdoŭž ich, traplajuć u častku miemaryjała pad nazvaj «Chatni sad», dzie znachodziacca fruktovyja drevy. Na budaŭnictva miemaryjała vydatkavali kala €6 miljonaŭ. Jaho adkryćcio było prymierkavana da ahulnajeŭrapiejskaha dnia pamiaci achviar tatalitarnych režymaŭ (23 žniŭnia).
Kamientary