Pavodle jahonych słovaŭ, adnoj z zaŭvah MVF stała pavyšeńnie ŭ listapadzie va ŭmovach kryzisu zarabotnaj płaty i nizki ŭzrovień apłaty kamunalnych pasłuh.
Biełaruś budzie budavać svajo dalejšaje supracoŭnictva ź Mižnarodnym valutnym fondam u zaležnaści ad taho, ci vydaść MVF kredyt, jaki zapytvaje kraina, zajaviŭ 11 listapada Alaksandr Łukašenka ŭ intervju haziecie The Wall Street Journal.Televiersiju intervju ŭviečary 14 listapada pakazaŭ Pieršy kanał biełaruskaha telebačańnia.
Nahadajem, Biełaruś zapytała ŭ MVF reziervovy kredyt u pamiery 2 młrd. dołaraŭ ZŠA. U krainie praciahvaje pracavać misija fondu.
«Ciapier nie daduć — dyk my budziem z hetaha zychodzić u supracoŭnictvie z MVF, — skazaŭ A.Łukašenka. — Kali ŭ hetaj situacyi, pry našaj situacyi (a jana nie takaja, jak u inšych dziaržavach, jakim jany vydajuć kredyty) jany nam nie dapamohuć, to navošta nam hetaje supracoŭnictva? My źjaŭlajemsia členam MVF, uznosy płacim, rehularna prysutničajem na pasiadžeńniach Mižnarodnaha valutnaha fondu. Dyk navošta heta, kali da nas budzie takoje staŭleńnie?»
Jon zaznačyŭ, što pieramovy adnosna kredytu z MVF zaviaršajucca, «naš prahres jany pryznali pa ŭsich kirunkach». «Tak, jany nam robiać niekatoryja zaŭvahi, časam spraviadlivyja, i my na ich nieadkładna reahujem», — zajaviŭ A.Łukašenka. Pavodle jaho słoŭ, adnoj z zaŭvah MVF stała pavyšeńnie ŭ listapadzie va ŭmovach kryzisu zarabotnaj płaty: «Ale ŭ nas ludzi nie takija bahatyja, navat kali my i pavysili hetuju zarabotnuju płatu, dyk heta nie našmat. Jany majuć racyju, što va ŭmovach kryzisu zarabotnuju płatu nie pavyšajuć. Adnak my hetaje rašeńnie pryniali jašče da finansavaha kryzisu ŭ Jeŭropie i Amierycy. Tamu jaho ciapier admianiać niapravilna».
Druhaja zaŭvaha Mižnarodnaha valutnaha fondu, zaznačyŭ prezident, tyčycca nizkaha ŭzroŭniu apłaty nasielnictvam kamunalnych pasłuh. Pavodle jaho słoŭ, «naša nasielnictva nie takoje bahataje, kab całkam apłačvać kamunalnyja pasłuhi». «Choć my pastupova i pavyšajem hetuju płatu. Pacichieńku i my, jak i vy, pryjdziem z časam da taho, što naša nasielnictva budzie na 100% raźličvacca za kamunalnyja pasłuhi. Nu, a pakul heta nie tak, i zaŭvahi hetyja my prymajem», — skazaŭ jon.
-
Cichanoŭskaja vykazała spačuvańni z nahody śmierci Iryny Bykavaj
-
Na kałhotkach ad Mark Formelle paśla myćcia imbirnyja pierniki pieratvarylisia ŭ puchnatych vusieniaŭ. Mnohim navat spadabałasia
-
MUS abviarhaje, što indyjskaja žančyna trapiła ŭ Biełarusi ŭ pracoŭnaje rabstva, i vykłała ŭłasnuju viersiju jaje historyi
Kamientary