Maskva nie abiacała Minsku vypłacić kampiensacyi z-za realizacyi padatkovaha manieŭru ŭ Rasii ŭ naftahazavaj halinie, bo hetyja źmieny źjaŭlajucca ŭnutranaj spravaj. Pra heta havorycca ŭ zajavie pieršaha vice-premjera, ministra finansaŭ Rasii Antona Siłuanava, paviedamlaje RBK.
«Rasija nie davała Biełarusi nijakich abiacańniaŭ pa vypłacie kampiensacyj za źmieny padatkovaha zakanadaŭstva ŭ Rasii», — zajaviŭ Siłuanaŭ.
13 śniežnia Biełaruś abmiarkoŭvała pytańnie kampiensacyj na pasiadžeńni Savieta ministraŭ Sajuznaj dziaržavy, patłumačyŭ ministr. Siłuanaŭ rastłumačyŭ, što Rasija prapanavała Biełarusi abmiarkoŭvać ekanamičnaje supracoŭnictva «kompleksna ŭ rečyščy našych sumiesnych rašeńniaŭ pa vykanańni Sajuznaj damovy 1999 hoda». U svaju čarhu, namieśnik premjer-ministra Biełarusi Ihar Lašenka zajaviŭ, što Minsk u 2019 hodzie raźličvaŭ atrymać kala $310 miljonaŭ kampiensacyj za padatkovy manieŭr u Rasii.
Kamientary