My ŭžo raskazvali pra toje, čamu kruta rekłamavacca na «NN», havaryli pra najlepšyja natyŭnyja śpiecprajekty minułaha hoda. Ale ž heta daloka nie ŭsio, čym zajmajecca rekłamny adździeł. Nižej — dziesiać cikavych padychodaŭ da rekłamy praduktaŭ i stvareńnia pazityŭnaha imidža brendaŭ. Pajechali!
Čempijanat Biełarusi pa futbole
Dziakujučy bukmiekierskaj kantory «Marafon» my pajšli na śmieły krok: z sakavika pa śniežań sačyli za vyšejšaj lihaj pa futbole, pisali anonsy da kožnaha z turaŭ i rabili prahnozy.
My bajalisia, što heta budzie mała kamu cikava, ale teksty pra biełaruski futboł pračytali bolš za 120 tysiač razoŭ. Uściešyła nas i toje, što čytačy pakidali svaje prahnozy i aktyŭna abmiarkoŭvali matčy vyšejšaj lihi.
Jak ja šmat hod žyvu z alerhijaj i čamu daktary vyjavili jaje tolki praz 5 hod pakutaŭ
Najbolš asabisty z našych rekłamnych artykułaŭ: Kacia Karpickaja ščyra raskazała pra šmathadovy dośvied zmahańnia z alerhijaj i pra toje, jakija z bytavych pryład mohuć ablehčyć žyćcio alerhika.
Materyjał my stvaryli razam z anłajn-hipiermarkietam 21vek.by.
Top-5 śviežych letnich kaktejlaŭ z kvasam
Nietypovy dla «NN» farmat fudchantynhu: razam z kvasam «Chatni» my paekśpierymientavali z formami dy składnikami i prapanavali piać letnich kaktejlaŭ na kvasie.
Z receptami nam dapamoh bar «Na plažy», a ekśpiertam-acenščykam vystupiła piacihadovaja Ksienia. Atrymałasia smačna i pryhoža.
TEST: Što vy viedajecie pra lon?
Pierad nami stajała zadača prezientavać novuju kalekcyju «Lon i honar» brenda adzieńnia HONAR i zmatyvavać čytačoŭ nabyć sabie ŭpadabanuju reč.
My padrychtavali pytańni pra lon, prailustravaŭšy kožnaje rečču z novaj kalekcyi. Paśla taho, jak karystalnik abiraŭ adkaz, jon bačyŭ nie tolki tłumačeńnie da jaho, ale i apisańnie rečy na fota sa spasyłkaj na internet-kramu.
Kožny, chto adkazaŭ pravilna na 90-100% pytańniaŭ, atrymaŭ proma-kod na źnižku.
U vyniku test prajšli amal 25 tysiač čałaviek. Taki samy farmat my vykarystali i dla pramocyi novaj kalekcyi «Vałoški 2.0».
Jak Naša Nina hladzieła paŭfinał ČS pa futbole — najlepšyja kamientary i acenki
Dziakujučy servisu dastaŭki hruzinskaj ježy gruzin.by u dziaŭčat z «Našaj Niny» źjaviłasia nahoda sabracca razam, kab pahladzieć paŭfinał čempijanatu śvietu pa futbole i abmierkavać matč, futbalistaŭ, a taksama svoj dośvied znajomstva z hulnioj №1.
Było i smačna, i cikava. Ciapier čakajem nastupnaha top-turniru, kab znoŭ sabracca razam.
Kiejsy z velcom
Letaś my vielmi plonna pasupracoŭničali z mabilnym apierataram.
Viasnoj my zrabili videa pra toje, jak biełarusy reahujuć na staryja mabilnyja telefony.
Paśla razam z taryfnym płanam «Kamfort+ dla biznesu» my pahladzieli, jak uładkavanaja kuchnia paśpiachovych biełaruskich biznesaŭ: studyi pa pašyvie abutku Sutoria i prajekta Rebox, jaki prapanuje nabory praduktaŭ z fotareceptami.
U kancy hoda my natchnili školnikaŭ na ŭdzieł u sacyjalna-adukacyjnym prajekcie velcom YOUTH historyjami paśpiachovych biełarusaŭ, a paśla naviedali majstar-kłasy, arhanizavanyja ŭ miežach prajekta.
Źmicier Vajciuškievič — pra žonku, dziaciej dy ŭłasny chutar Vajciuški
Letam my źjeździli ŭ hości da Źmitra Vajciuškieviča i jaho siamji, kab dušeŭna parazmaŭlać za barbiekiu ad «Susiedziaŭ».
Vajciuškievič raskazaŭ nam šmat historyj: pra svoj sceničny vobraz, pra znajomstva z žonkaj i adnosiny ŭ siamji, pra luboŭ da Majakoŭskaha i chutar Vajciuški, a taksama pra svaje mary.
Raźvienčvajem mify pra biełaruskija sanatoryi na hifkach z kocikami
Nakont sanatornaha adpačynku isnuje šmat mifaŭ, u jakija mnohija čamuści praciahvajuć vieryć. Nibyta heta doraha, sumna i niasmačna, choć nasamreč heta zusim nie tak.
Razam z servisam anłajn-braniravańnia adpačynku ŭ Biełarusi vetliva.by my raźbili hetyja mify davoli aryhinalna — praz hifki z kocikami!
Sustreča z redakcyjaj Wonderzine
24 vieraśnia «Naša Nina» zładziła sustreču ŭ Pres-kłubie z žurnalistkami rasijskaha anłajn-vydańnia Wonderzinie. Redaktarka razdieła «Žyćcio» Saša Savina, bjuci-redaktarka Marharyta Virava, a taksama redaktarka rostu i dystrybucyi Ksiuša Piatrova dzialilisia ź biełaruskaj publikaj łajfchakami pa stvareńni adnaho z samych papularnych na postsavieckaj prastory resursaŭ z karysnym kantentam dla žančyn.
Heta byŭ naš pieršy dośvied arhanizacyi iventaŭ, i my vielmi ŭdziačnyja partnioram za dapamohu: heta kampanii «Mebla, što raście», CeramoHeat, a taksama optyka «Papiałuška» na Niezaležnaści, 16.
Stvarajem biełaruskija vobrazy na Chełaŭin
Napiaredadni Chełaŭina, jaki ŭ Biełarusi niefarmalna śviatkujuć usio bolš aktyŭna, my vyrašyli krychu pafantaziravać i zamiest papularnych piersanažaŭ dla kaspłeju nakštałt viadźmarak, vampiraŭ ci hierojaŭ Marvel Comics padumać nad biełaruskimi varyjantami. Paśla haračych abmierkavańniaŭ było vyrašana pasprabavać pieraŭvasobicca ŭ žetončyk minskaha mietrapalitena, panelku, supracoŭnika Minskzielenbuda i adnaho z bonścikaŭ.
U hetym nam dapamahła kampanija «Bielika-M». My skarystalisia adcienačnymi blask-balzamami i atrymali sapraŭdy jarkija vobrazy.
Jaki z našych prajektaŭ vam najbolš spadabaŭsia? Pišycie ŭ kamientarach, a taksama prapanoŭvajcie svaje idei dla materyjałaŭ! I, kali vy chočacie dobra prarekłamavacca, pišycie na [email protected].
Čytać taksama:
10 pryčyn, čamu vam treba rekłamavacca na «Našaj Nivie»
Top-10 najlepšych rekłamnych śpiecprajektaŭ «NN» za 2018 hod
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk12
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary