Pasoł Rasii ŭ Biełarusi Michaił Babič u intervju telekanału Rasija-24 zajaviŭ, što Biełaruś hatovaja da pierachodu na nastupny ŭzrovień intehracyi z Rasijaj.
— Ale na ciapierašnim etapie našy partniory pastavili pytańnie ab tym, što jany hatovyja da pierachodu na nastupny ŭzrovień raźvićcia intehracyi — jość taki ciapier modny termin — roŭnyja ŭmovy haspadarańnia. Što heta takoje? Heta roŭnyja kankurentnyja ŭmovy dla ŭsich subjektaŭ ekanomiki — rasijskich i biełaruskich, heta roŭny dostup da paliŭna-enierhietyčnych resursaŭ, da biudžetnych resursaŭ, da biudžetnych kredytaŭ. Heta dobraja ideja, my daŭno da hetaha razam išli.
Ale, pa słovach Babiča, hety ŭzrovień intehracyi praduhledžvaje vyrašeńnie cełaha šerahu zadač «pa ŭnifikacyi i harmanizacyi zakanadaŭstva — mytnaha, padatkovaha, taryfnaha, akcyznaha, kredytnaha, našaj ekanamičnaj palityki, vajskova-techničnaj palityki, pramysłovaj palityki». A dla hetaha, dadaŭ Babič, treba pryniać ceły šerah rašeńniaŭ, jakija byli pradpisany sajuznym dahavoram 1999 hoda.
Na pytańnie viadučaha, ci supraciŭlajecca Biełaruś bolš ciesnaj intehracyi, Babič adkazaŭ:
— Nielha skazać, što niechta supraciŭlajecca, tamu što tak pradmietna my hetuju pracu tolki pačynajem.
Kamientary