Praz DTZ u rajonie płoščy Bahuševiča ŭ Minsku ŭtvarylisia vialikija zatory ŭ centry.
Zatory dasiahajuć vaśmi bałaŭ.
Praśpiekt Dziaržynskaha staić da trochuzroŭnievaj raźviazki z praśpiektam Žukava. Vulica Niamiha — da vulicy Bahdanoviča. Vulica Kłary Cetkin staić ad Babrujskaj da Karala.
Staić u zatory i Ramanaŭskaja Słabada da vulicy Kalvaryjskaj.
Taksama niekalki tramvajaŭ spynilisia na vulicy Jakuba Kołasa, piša sb.by.
Da hetaha pryviało sutyknieńnie dźviuch lehkavych mašyn prosta na tramvajnych rejkach na pierakryžavańni hetaj vulicy z vulicaj Surhanava.
Ruch tramvajaŭ maršrutaŭ №№ 1, 6, 11 arhanizavali da RK Voziera, a ruch tramvajaŭ maršrutu № 5 — da RK Ź.Biaduli. Akramia taho, byŭ puščany časovy aŭtobusny maršrut № 906 «DS Karbyšava — Čyrvonaja».
Usio pryjšło ŭ normu tolki a pałovie na dziasiatuju ranicy.
Paźniej daišniki raspaviali padrabiaznaści DTZ. Ich, jak vyśvietliłasia, było dva.
Spačatku ŭ «Tajotu», jakaja jechała ź Niamihi ŭrezaŭsia hruzavik i lehkavik pieraharadziŭ darohu. A paśla inšy kiroŭca, na pazadarožniku «Tajota Łend Kruzier», ujechaŭ u «Reno», jaki ruchaŭsia śpieradu. Kiroŭca pazadarožnika nie vytrymaŭ dystancyju pamiž mašynami. Paśla jon ščyra pryznaŭsia, što zahladzieŭsia na papiaredniaje DTZ, z hruzavikom, paviedamiŭ partał «Anłajnier».
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary