«Zołatavalutnych reziervaŭ u Biełarusi dastatkova dla padtrymki krainy, ale nie dla pracy ŭ pikavaj situacyi»,— zajaviŭ ministr ekanomiki Mikałaj Zajčanka, vystupajučy 19 śniežnia na sumiesnym pasiadžeńni pałaty pradstaŭnikoŭ i savieta respubliki nacyjanalnaha schodu.
Jon zaznačyŭ, što ŭ zachodnich krainach, ZŠA «jość vialikija reziervy dla siłkavańnia bankaŭskaj śfiery i ekanomiki», a tamu jany mohuć sabie dazvolić źnižać staŭku refinansavańnia. «My jaje źnižać nie možam, bo nie vałodajem padobnymi resursami», — padkreśliŭ ministr.
Pavodle słoŭ M.Zajčanki, urad Biełarusi «nie tolki padtrymlivaje likvidnaść bankaŭskaha siektaru, ale i stymuluje realny siektar». «Z adnaho boku, my pavinny strymlivać popyt, ale ŭ toj ža čas stymulavać vytvorčaść ź miascovaj syraviny», — skazaŭ jon.
M.Zajčanka paviedamiŭ, što
rychtujecca prajekt dakumienta ab uviadzieńni padatkovaha kredytu, u adpaviednaści ź jakim pradpryjemstvynie buduć płacić na praciahu paŭhoda padatak na prybytak i padatak na dadadzieny košt z nastupnaj ich kampiensacyjaj. Aprača taho, rychtujecca pieralik pradpryjemstvaŭ, jakim budzie na 50% ilhatavacca pracentnaja staŭka pa bankaŭskich płaciažach.
Kamientary