U ES vyrašyli pavysić canu šenhiena da 80 jeŭra. Ci zakranie heta biełarusaŭ?
Siońnia Jeŭraparłamient i Rada Jeŭropy dasiahnuli papiaredniaj damovy pa prapanovie Kamisii pa madernizacyi vizavaj palityki ES. Akramia spraščeńnia pracedury atrymańnia vizy, źmieny ŭklučajuć u siabie i padaražańnie šenhienskaj vizy z 60 da 80 jeŭra. Tut.by raźbiraŭsia, ci značyć heta, što «šenhien» dla biełarusaŭ padaražeje da 80 jeŭra ŭ chutkim časie.
Novaja vizavaja palityka ES uklučaje ŭ siabie niekalki važnych punktaŭ. Jak tłumačycca na sajcie Jeŭrakamisii, adzin ź ich — bolš hnutkija pracedury pa atrymańni vizy. U pryvatnaści, vandroŭniki zmohuć padavać svaje zajaŭki za 6 miesiacaŭ da zapłanavanaj pajezdki (9 miesiacaŭ dla marakoŭ) zamiest biahučych 3 miesiacaŭ, i ŭ bolšaści vypadkaŭ — niepasredna ŭ krainie svajho pražyvańnia. Niepaŭnaletnija va ŭzroście ad 6 da 18 hadoŭ mohuć być vyzvalenyja ad płaty za vizu.
Taksama płanujecca, što buduć vydavacca šmatrazovyja vizy z bolš doŭhim terminam dziejańnia: dziakujučy ŭviadzieńniu ahulnych abaviazkovych praviłaŭ, častyja turysty sa stanoŭčaj historyjaj viz mohuć atrymać šmatrazovuju vizu z terminam dziejańnia ad 1 hoda da 5 hadoŭ.
Ale samaje važnaje źmianieńnie zakranie košt šenhienskaj vizy — jana padaražeje z 60 da 80 jeŭra.
Novyja praviły ŭstupiać u siłu jašče nie chutka — pracedura davoli praciahłaja. Siońnia pahadnieńnie było paćvierdžana dziaržavami-siabrami ES i ciapier pavinna być uchvalena taksama Jeŭrapiejskim parłamientam. Paśla hetaha Jeŭrapiejski parłamient i Rada pavinny aficyjna pryniać uzhodnienyja źmieny (heta adbudziecca ŭ bližejšyja miesiacy). Paśla hetaha pryniaty tekst budzie apublikavany ŭ aficyjnym časopisie Jeŭrapiejskaha Sajuza, i tolki praz 6 miesiacaŭ paśla apublikavańnia novyja praviły ŭstupiać u siłu.
Da taho ž siońnia Biełaruś i ES amal dasiahnuli damoŭlenaści ab spraščeńni vizavaha režymu. Kiraŭnica pradstaŭnictva ES u Biełarusi Andrea Viktaryn zajaviła, što ŭ hetym pytańni «zastaŭsia apošni krok».
Paśla padpisańnia hetaha dakumienta, nahadajem, košt «šenhienu» dla biełarusaŭ źnizicca da 35 jeŭra (pry afarmleńni vizy ŭ pasolstvie). Navat kali novyja vizavyja praviły ES paśpiejuć ustupić u siłu raniej, to paśla padpisańnia pahadnieńnia košt šenhienskaj vizy dla biełarusaŭ źnizicca z 80 da 35 jeŭra.
Kamientary