Alaksandr Łukašenka siońnia na sustrečy z pradstaŭnikami IT-supolnaści prakamientavaŭ prapanovu Ministerstva adukacyi ab uviadzieńni va ŭstanovach adukacyi štata achoŭnikaŭ i pasady namieśnika dyrektara pa biaśpiecy, piša BiełTA.
Na sustrečy była padniataja tema školnaj adukacyi. Udzielniki padzialilisia mierkavańniem, jak pavinna budavacca sistema i čaho ciapier nie chapaje ŭ navučalnym pracesie. Kiraŭnik krainy adznačyŭ, što hetaja tema niaprostaja i dziaržava ciapier aktyŭna joju zajmajecca. Akramia stratehičnych pytańniaŭ, jon zakranuŭ i bolš štodzionnyja prablemy.
«Siońnia cudy čytaju ŭ niejkim ŚMI (ja raźbiraŭsia z uradam): ministr adukacyi niejkija rasparadžeńni vydaŭ, što nastaŭnik pavinien prychodzić u škołu nie raniej čym za 30 chvilin da pačatku ŭrokaŭ i sychodzić nie paźniej čym 30 chvilin paśla zakančeńnia, uvieści namieśnika dyrektara pa biaśpiecy i kuču achoŭnikaŭ u škole. Paŭstaje pytańnie: chto samyja hałoŭnyja achoŭniki ŭ škole? Nastaŭniki. Tak było ŭ nas zaŭsiody», — skazaŭ Alaksandr Łukašenka.
Jon padkreśliŭ, što kiraŭnictva škoły i piedahohi pavinny zajmacca ŭ tym liku i hetymi pytańniami. Adnak niekatoryja nastaŭniki, na dumku kiraŭnika krainy, navat nie vychodziać z svaich kabinietaŭ u kalidor. «Akramia adukacyi, jašče i vychoŭvać treba. Vychavańnie i adukacyja — adziny praces», — adznačyŭ kiraŭnik dziaržavy.
Kamientary