Arhanizatary minskaha Dnia Voli vyrašyli skasavać damovu ź milicyjaj praz sud
Arhanizatary Dnia Voli ŭ Minsku Volha Kavalkova, Ihar Barysaŭ, Mikałaj Kazłoŭ i Juraś Hubarevič źviarnulisia ŭ sud ź iskavaj zajavaj da HUUS Minharvykankama dla skasavańnia damovy na akazańnie pasłuh pa achovie pravaparadku padčas mitynhu i kancerta 24 sakavika, paviedamlaje spring96.org
U im pazoŭniki pakazvajuć, što padčas śviata biespadstaŭna byli zatrymanyja jak minimum dva aktyvisty — Źmicier Daškievič i Vital Rymašeŭski. Akramia taho, supracoŭniki milicyi zabaraniali pad pahrozaj zatrymańnia ŭdzielnikam mierapryjemstva pakidać placoŭku ź bieł-čyrvona-biełymi ściahami, čym psavali nastroj ludziam.
«Padobnyja dziejańni supracoŭnikaŭ milicyi nanieśli imidžavyja straty zajaŭnikam mierapryjemstva, tak jak svaimi dziejańni jany pakazali, što znachodzicca na placoŭcy, dzie prachodziła masavaje mierapryjemstva, niebiaśpiečna, i jany nie mohuć harantavać biaśpieku jak prysutnym hramadzianam, tak i vystupoŭcam sa sceny - aktyvistam i arhanizataram masavaha mierapryjemstva.
Ličym, što supracoŭniki milicyi svaimi dziejańniami sprabavali źnizić kolkaść patencyjnych udzielnikaŭ pry praviadzieńni padobnych masavych mierapryjemstvaŭ u budučyni», - adznačyli zajaŭniki ŭ svajoj zyskavaj zajavie.
Na hetaj padstavie arhanizatary mierapryjemstva prosiać sud skasavać damovu z HUUS Minharvykankama ab akazańni pasłuh pa achovie hramadskaha paradku pry praviadzieńni masavaha mierapryjemstva.
Nahadajem, da hetaha Volha Kavalkova, Ihar Barysaŭ, Mikałaj Kazłoŭ i Juraś Hubarevič nakiroŭvali pretenziju ab urehulavańni sprečki ŭ dasudovym paradku na adras HUUS, adnak viedamstva adchiliła pretenziju pazoŭnikaŭ, prapanavaŭšy vypłacić sumu, vyznačanuju adkazčykam — 6375 rubloŭ.
Kamientary