Rychtujucca novyja praviły pryzyvu ŭ vojska. A toj, chto nie słužyŭ biez pryčyny, nie trapić na dziaržsłužbu
Deputatka Pałaty pradstaŭnikoŭ ad Abjadnanaj hramadzianskaj partyi Hanna Kanapackaja apublikavała ŭ Telegram-čacie prajekt źmienaŭ u praviły pryzyvu na terminovuju vajskovuju słužbu.
Jak śćviardžaje Hanna Kanapackaja, prajekt byŭ uniesieny Savietam ministraŭ u terminovym paradku i raźličany na pryniaćcie padčas biahučaj siesii.
Zakonaprajekt praduhledžvaje, što adterminoŭku ad słužby buduć davać tolki raz dla atrymańnia siaredniaj adukacyi abo vyšejšaj adukacyi I stupieni (bakałaŭryjatu), ale jana nie budzie pradstaŭlacca dla mahistratury abo aśpirantury (vyklučeńnie — kali na navučańnie nakiroŭvajuć dziaržaŭnyja orhany).
Nieprachodžańnie vajskovaj słužby biez zakonnaj padstavy, pavodle zakonaprajektu, moža stać pryčynaj dla admovy ad pryjomu na dziaržaŭnuju słužbu, u orhany ŭnutranych spravaŭ, orhany finansavych raśśledavańniaŭ i nadzvyčajnych sytuacyjaŭ.
Kamientary