Ukrtranshaz i Małdoŭhaz, sumiesna z apieratarami HTS inšych krain, uzhadnili nieabchodnyja techničnyja rašeńni dla stvareńnia novych impartnych mahutnaściaŭ na bazie sistemy Transbałkanskich trubapravodaŭ pa kirunku «poŭdzień-poŭnač» (reviers pa trubapravodzie Tranzit-1). Pra heta «Jeŭrapiejskaj praŭdzie» paviedamili ŭ pres-słužbie Ukrtranshaza
«Hałoŭnaj metaj supracoŭnictva źjaŭlajecca dyviersifikacyja maršrutaŭ pastavak hazu va Ukrainu ŭ ramkach padrychtoŭki da asieńnie-zimovaha pieryjadu 2019/2020», — havorycca ŭ paviedamleńni.
Čakajecca, što ŭžo 1 studzienia 2020 budzie stvorana pastajannaja mahutnaść dla impartu z Rumynii abjomam 1,5 młrd kubamietraŭ hazu ŭ hod, niezaležna ad abjomaŭ tranzitu rasijskaha hazu pa terytoryi Ukrainy.
Transparciroŭka błakitnaha paliva ad punktu Isakča-1 — Arłoŭka budzie adbyvacca pa mahistralnych hazapravodach «Paasobnaja — Izmaił» i «Šabialinka — Dnieprapiatroŭsk — Kryvy Roh — Izmaił».
Śpiecyjalisty Ukrtranshaza i Małdoŭhaza ŭzhadnili madernizacyju pamiežnych hazavymiaralnych stancyj HVS «Hrabieniki» (Ukraina) i HVS «Kaŭšany» (Małdova) dla pracy ŭ reviersnym režymie, havorycca ŭ zajavie.
Ukrainski bok płanuje pabudavać dadatkovyja abvodnyja linii hazapravodaŭ, ustalavać novyja technałahičnyja pieramyčki z mantažom troch šaravych kranaŭ i zaviaršyć rekanstrukcyju HVS «Hrabieniki» da kanca 2019 hoda.
«Dla Ukrainy i Małdovy hety prajekt maje stratehičnaje značeńnie, bo dyviersifikavaŭšy šlachi pastavak hazu, abiedźvie dziaržavy padvysiać nadziejnaść i bieśpierabojnaść zabieśpiačeńnia błakitnym palivam svaich spažyŭcoŭ», — kažuć u Ukrtranshaz.
Nahadajem, u mai 2018 hoda Ukrtranshaz paśpiachova ažyćciaviŭ acenku popytu na ŭvachodnyja mahutnaści va Ŭkrainu z Rumynii i paćvierdziŭ ekanamičnuju metazhodnaść stvareńnia takich mahutnaściaŭ na transbałkanskim maršrucie.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary