Žurnalisty «Našaj Nivy» piaty hod zapar pieramahajuć u katehoryi «rasśledavańni» nacyjanalnaj žurnalisckaj premii
Siońnia Biełaruskaja asacyjacyja žurnalistaŭ nazvała łaŭreataŭ štohadovaha tvorčaha konkursu «Volnaje słova».
U konkursie ŭdzielničali sotni materyjałaŭ. U šort-list konkursu trapili bolš za 20 artykułaŭ i prajektaŭ žurnalistaŭ roznych redakcyj — «Naša Niva», Tut.by, «Źviazda», Intex-press, «Jeŭraradyjo», «Biełsat», «Rehijanalnaja hazieta» dy inš.
Adrazu dvoje našaniŭcaŭ sioleta ŭhanaravanyja pieršaj premijaj (usiaho premija maje čatyry katehoryi).
Pieršaje miesca ŭ naminacyi «Rasśledavańni» atrymaŭ Arciom Harbacevič za artykuł «Sietka: jak Rasija stvaraje ŭ Biełarusi rehijanalnyja sajty na bazie aŭtaraŭ z «Rumoła» i NODa». Z honaram adznačajem, što «Naša Niva» pieramahaje ŭ katehoryi «rasśledavańni» ŭžo piaty hod zapar! Pryčym treci hod zapar premiju biare Arciom Harbacevič.
A Śviatłana Kurs pieramahła ŭ naminacyi «Najlepšaja publikacyja mastacka-publicystyčnaha žanru» za artykuł u «Našaj historyi» №4 za 2018 hod «Nielha zabyć: my z vohniennaj vioski».
Arciom Harbacevič kaža, što nie pierabolšvaje ŭpłyŭ tych resursaŭ, pra jakija havorycca ŭ jaho rasśledavańni: «Ludzi pieradusim chočuć čytać nie prapahandu, a naviny i cikavostki. Ale z hetym u rehijonach biada — u rajonak sastareły padychod, jany nie zacikaŭlivajuć, a «infarmujuć». Na miescy Mininfarmacyi ja b rabiŭ tak — davaŭ nievialikija hranty ŭ niekalki tysiač rubloŭ pa konkursie tym, chto choča rabić miedyja pra svoj rajon. Heta b patencyjna mahło vyhadavać mocnyja łakalnyja resursy, a rajonki kankurencyja prymusić varušycca. Pakul ža situacyja takaja, što hranty na stvareńnie łakalnych resursaŭ u Biełarusi vydaje susiedniaja dziaržava, a ich mety — nie zusim siabroŭskija».
Vyniki konkursu «Volnaje słova — 2019»
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć39
Upieršyniu za čatyry hady Biełstat apublikavaŭ źviestki ab naradžalnaści i śmiarotnaści. Danyja žachajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary