Premjer Łatvii — Rumasu: My rady bačyć niezaležnuju i zamožnuju Biełaruś
Biełaruś zacikaŭlena ŭ pašyreńni instrumientaŭ finansavaj i techničnaj dapamohi Jeŭrasajuza, zajaviŭ premjer-ministr Siarhiej Rumas siońnia na sustrečy z premjeram Łatvii Kryšjanisam Karyńšam u Minsku, pieradaje BiełTA.
«My zacikaŭleny ŭ pašyreńni instrumientaŭ finansavaj i techničnaj dapamohi Jeŭrasajuza i chacieli b šyrej vykarystoŭvać patencyjał «Uschodniaha partniorstva» dla raźvićcia biełaruskaj ekanomiki. I dapamohu Łatvii ŭ prasoŭvańni pa hetym šlachu my vielmi cenim», — adznačyŭ Siarhiej Rumas.
Jon padziakavaŭ Łatvii za kanstruktyŭnuju pazicyju ŭ vybudoŭvańni poŭnamaštabnaha dyjałohu Biełarusi ź Jeŭrapiejskim sajuzam, u tym liku padtrymku namahańniaŭ Biełarusi pa likvidacyi lubych pieraškod na šlachu inviestycyjnaha i kredytnaha supracoŭnictva z krainami ES.
«Spadziajusia, što našy sustrečy dapamohuć sfarmavać surjoznuju asnovu dla padrychtoŭki i praviadzieńnia vizitu kiraŭnika dziaržavy i sustrečy z vašym prezidentam užo ŭ najbližejšy čas», — dadaŭ kiraŭnik biełaruskaha ŭrada.
Kryšjanis Karyńš u svaju čarhu adznačyŭ, što dla Łatvii Biełaruś — vielmi važny susied.
«I my vielmi rady bačyć niezaležnuju, stabilnuju i zamožnuju Biełaruś. U chodzie hetaha vizitu tak ža, jak, napeŭna, i vy, spadziajusia dapamahčy ŭmacavać adnosiny pamiž našymi dźviuma krainami», — skazaŭ łatvijski premjer.
Jon padkreśliŭ zacikaŭlenaść Łatvii nie tolki va ŭmacavańni dvuchbakovych stasunkaŭ ź Biełaruśsiu, ale i adnosinaŭ pamiž Biełaruśsiu i Jeŭrasajuzam, asabliva va «Uschodnim partniorstvie». «U im my ŭdzielničajem vielmi aktyŭna i ź cikavaściu nazirajem, jak Biełaruś i ES mohuć umacoŭvać svaje adnosiny.
I, viadoma ž, u hetym klučy my vielmi zacikaŭleny ŭ tym, kab prasoŭvać pazityŭnyja adnosiny pamiž Biełaruśsiu i NATA», - dadaŭ Kryšjanis Karyńš.
Kamientary