Sienatar ad Viermonta Bierni Sanders staŭ pieramožcam kokusaŭ (praces vyznačeńnia adzinaha kandydata na prezidenckich vybarach, jakija projduć u listapadzie) Demakratyčnaj partyi ŭ Nievadzie. Pra heta paviedamlajuć NYT i CNN pa vynikach padliku 43% hałasoŭ.
Sanders atrymaŭ u hetym štacie padtrymku 46,2% vybarščykaŭ. Druhoje miesca ź istotnym adryvam zajmaje były vice-prezydent ZŠA Džo Bajden z 20,7% hałasoŭ. Treciaje miesca zaniaŭ były mer horada Saŭt-bend (štat Indyjana) Pit Buttydžydž (15,1%), čaćviortaje — sienatar ad Masačusetsa Elizabet Uoren (9,5%).
«Ja absalutna ŭpeŭnieny, što my možam stvaryć urad, zasnavany na spahadzie, lubovi i praŭdzie, a nie tak, jak zaraz — na prahnaści, karupcyi i chłuśni», — zajaviŭ Sanders, vystupajučy pierad prychilnikami.
Prezident ZŠA Donald Tramp adreahavaŭ na lidarstva Sandersa na kokusy ŭ Nievadzie, napisaŭšy ŭ svaim tvitary, što astatnija kandydaty «vyhladajuć słaba». «Vinšuju, Bierni, i nie dazvalaj im adabrać u ciabie pieramohu!» — zajaviŭ jon
Treciaha sakavika prajmieryz projduć adrazu ŭ 17 štatach (t. zv. Supieraŭtorak)
-
U ZŠA daktary adklučyli ad aparata žyćciezabieśpiačeńnia 31-hadovuju amierykanku, u jakoj u lutym była zafiksavanaja śmierć mozhu
-
Ad iranskaha rakietnaha ŭdaru ŭ Izraili zahinuła siamja z Ukrainy, jakaja pryjechała lačyć siamihadovuju dačku ad lejkiemii
-
Forda — hałoŭny jadzierny abjekt Irana. Što pra jaho viadoma?
Kamientary