Polšča ŭsio jašče znachodzicca ŭ pačatku epidemii karanavirusa, pik zachvorvańnia čakajecca ŭ mai i červieni. Pra heta zajaviŭ premjer-ministr Polščy Mateuš Maraviecki, pieradaje TVN24.
Pavodle jaho słoŭ, u Polščy ŭ najbližejšyja dni pavialičać achop testavańnia na karanavirus. Za sutki buduć pravodzić 8000-9000 testaŭ na karanavirus. Na hety momant hety pakazčyk składaje 6000-7000.
Jak paviedamlałasia raniej, Polšča ŭviała abmiežavańni na pieramiaščeńni. Z domu možna vychodzić u kramu pa pradukty, kab naviedać blizkich svajakoŭ, u apteku, da doktara dy vyvodzić na špacyr sabakaŭ. Taksama asoby, što majuć pracu, jakuju niemahčyma vykonvać dystancyjna, buduć mieć prava vychodzić na vulicu, kab dabracca da miesca pracy i viarnucca damoŭ. Pad zabaronu pieramiaščeńniaŭ nie padpadajuć vałanciory, što dapamahajuć u baraćbie z epidemijaj.
Dziejničaje zabarona vychodzić na vulicu u hrupach, bolšych za dźvie asoby (za vyklučeńniem siemjaŭ). Štraf za parušeńnie — da 5 tys. złotych (kala 1,5 tys. jeŭra).
Taksama ŭ transpart treba siadać, kali zaniata nie bolej za pałovu pasadačnych miescaŭ.
Kamientary