Hramadstva1414

Mer Hrodna adkazaŭ, čamu ŭ horadzie niama biełaruskamoŭnych škoł

Staršynia Hrodzienskaha harvykankama Miečysłaŭ Hoj padčas hutarki z hramadskim aktyvistam Dźmitryjem Furmanavym raspavioŭ, čamu ŭ Hrodnie niama biełaruskamoŭnych škoł, piša Hrodna.life.

Dźmitryj Furmanaŭ źjaŭlajecca adnym sa stvaralnikaŭ Telegram-čata «Hrodno Dla Žiźni Chat». Štodnia tam abmiarkoŭvajuć prablemy horada. Aktyvist 8 krasavika źbiraŭsia da staršyni harvykankama na asabisty pryjom z dvuma dziasiatkami pytańniaŭ ad hrodziencaŭ, ale z-za niebiaśpiečnaj epidemijałahičnaj situacyi pryjšłosia abmiežavacca razmovaj pa telefonie. Dźmitryj zakranuŭ i temu biełaruskamoŭnych škoł u Hrodnie.

Što ź biełaruskamoŭnymi škołami ŭ Hrodnie zaraz

Siońnia ŭ Hrodnie niama anivodnaj całkam biełaruskamoŭnaj škoły. Kłasy z navučańniem na biełaruskaj movie jość u škołach №32 i 34. Taksama siońnia ŭ Hrodnie pracujuć try dziciačyja sadki ź biełaruskamoŭnymi hrupami (№ 45, 65, 83).

Jak źmianiałasia situacyja

U pačatku 1990-ch u Hrodnie było 28 škoł z vykładańniem na biełaruskaj movie. Potym nie zastałosia nivodnaj. Tolki 10 hadoŭ tamu ŭ horadzie znoŭ źjaviłasia mahčymaść vučycca pa-biełarusku.

Što budzie rabić harvykankam

Miečysłaŭ Hoj: «Jak takich płanaŭ [pavialičyć kolkaść biełaruskamoŭnych hrup i kłasaŭ — red.] niama, ale ŭsio robicca prosta. Kali hrupa baćkoŭ, navat nievialikaja, zachoča, kab ich dzicia ŭ dziciačym sadzie navučałasia na biełaruskaj movie, pryniać takoje rašeńnie nie prablema. U nas u štacie jość vykładčyki. My možam farmavać vialikija i nievialikija hrupy ŭ dziciačych sadkach.

Škoły taksama nie prablema. Ale žadajučych asabliva niama. Jość, ale nie taja kolkaść. A biełaruskuju movu, na žal, my pačali zabyvać, heta nie zusim dobra. Ja z vami salidarny ŭ hetym.

Šmat što zaležyć ad uładaŭ, ale bolš zaležyć ad baćkoŭ. Voś prykład z polskaj movaj: u nas pažadali treci kłas adkryć u 36-j škole [škoła z polskaj movaj navučańnia, dzie raniej nie ŭdavałasia stvaryć bolš za dva pieršyja kłasy — red.]. Nie prablema, my adkryli. Nie budzie takoha žadańnia — zakryjem.

Z VNU — heta nie maja zona ŭpłyvu, heta respublikanskaja. Ich płany navučańnia i prahramy zaćvierdžany ministerstvam adukacyi».

Kamientary14

Ciapier čytajuć

U Biełarusi krytyčna padaje naradžalnaść. A jak u susiednich krainach?2

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

Łukašenka: Biełaruś hatova pastaŭlać u Kalininhrad niaščasnuju bulbu8

Wildberries vychodzić na rynak taksi ŭ Biełarusi1

Jak vybrać pravilnuju padušku i ci dapamoža masaž ad bolaŭ u šyi? Adkazvaje doktar-artapied

Rasija naniesła masiravany ŭdar pa adnym z apieratyŭnych aeradromaŭ Ukrainy5

U Biełarusi prydumali syrnaje marožanaje1

Rybak na Prypiaci vyciahnuŭ taŭstałobika vahoj za 25 kiłahram2

Ukraina atakavała vajskovy zavod u Čuvašyi1

Ci možna jeści prarosłuju bulbu, cybulu i časnok?3

Dypłamatyčny daradca Cichanoŭskaj raskazaŭ, navošta jamu zvaniŭ Borys Džonsan4

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?2

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić