Italija nie adkryje miežaŭ dla zamiežnych turystaŭ da kanca hoda, ale vydzielić pa €500 žycharam dla vandrovak pa krainie
Italija budzie trymać miažy zakrytymi dla zamiežnych turystaŭ da kanca 2020 hoda. Pra heta ŭ intervju haziecie la Repubblica paviedamiŭ ministr kultury i turyzmu Daryjo Frančeskini, pieradaje BiełTA.
Adkryćcio miežaŭ budzie zaležać ad epidemijałahičnaj situacyi i palityki kožnaj asobnaj dziaržavy, — skazaŭ Frančeskini.
Čynoŭnik ličyć, što turystyčnuju śfieru Italii treba ratavać pry dapamozie ŭnutranaha turyzmu. U hetych metach urad prymaje miery — płanujecca vydzielić małazabiaśpiečanym siemjam da 500 jeŭra na letni adpačynak unutry krainy.
Dla italjancaŭ u mai płanujuć adkryć Kaliziej, Pampiei i inšyja muziei krainy. A voś pry pryniaćci rašeńniaŭ ab adkryćci kinateatraŭ, teatraŭ i inšych ustanoŭ kultury ŭłady buduć uličvać dynamiku raspaŭsiudžvańnia karanavirusa.
Kamientary