Kiraŭnik dziaržavy Alaksandr Łukašenka ličyć nadumanymi ŭsie razmovy ab adstaŭcy biełaruskaha ŭrada.Ab hetym siońnia prezident zajaviŭ, adkazvajučy na pytańni žurnalistaŭ u Śvietłahorsku.
«Tema adstavak nie novaja. Heta padkidajecca tymi ludźmi, chto chacieŭ by destabilizavać situacyju ŭ dziaržavie. Moža, takim čynam, jany bačać siabie ŭ roli budučych členaŭ uradu. Dyk my ich užo bačyli na pasadach, ni na što jany nie zdolnyja. Takoj temy — adstaŭki ŭrada — pakul nie isnuje», — padkreśliŭ prezident.
Pry hetym Alaksandr Łukašenka adznačyŭ, što, «kali niechta pierastaje pracavać, jon abaviazkova pavinien pajści».
«U hetym vy pierakanajeciesia ŭ bližejšy čas, — skazaŭ kiraŭnik dziaržavy.— Pryčym tut urad? Jość peŭnyja ludzi, piersanalii, jakija drenna, słaba pracujuć, stamilisia, tamu treba mieć siłu voli, kab pajści».
«Treba supakoicca, pierastać nakručvać prablemu, jakoj nie isnuje. Vorahaŭ va ŭradzie niama, praciŭnikaŭ taho kursu, jaki pravodzicca, taksama niama», — padkreśliŭ kiraŭnik dziaržavy.
Prezident nahadaŭ, što pa vynikach kvartała maje namier aznajomicca z tym, jak pracujuć kiraŭniki pradpryjemstvaŭ. Pa vynikach ža paŭhodździa budzie dadziena kompleksnaja acenka rabocie ekanomiki va ŭmovach kryzisu. «Heta budzie dobry pakazčyk», — dadaŭ jon.
Havoračy ŭ cełym ab upłyvie suśvietnaha kryzisu na ekanomiku Biełarusi, Alaksandr Łukašenka adznačyŭ, što hety kryzis u niekatoraj stupieni karysny dla krainy, pakolki navučyć i vypuskać zapatrabavanuju na rynku pradukcyju, i pradavać, i pracavać.
«Viadoma, kryzis — heta ciažka, ale jon maje ačyščalnuju funkcyju dla hramadstva. Zastanucca tolki tyja, chto moža pracavać», — skazaŭ biełaruski lider.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary