Premjer Litvy: Zrobim usio, kab elektraenierhija ź BiełAES nie trapiła na naš rynak
Fota Nadziei Bužan
Premjer-ministr Litvy Saŭlus Skviarnialis zajaviŭ, što zrobić usio, kab enierhija «ź niebiaśpiečnaj Biełaruskaj AES» nie trapiła ŭ jahonuju krainu. Ale pry hetym «nie budzie załomvać ruki» susiedziam u hetym pytańni, piša Delfi.lt.
«Treba zrabić usio, kab technična elektraenierhija z hetaj stancyi nie mahła trapić na litoŭski rynak. Uniesieny źmieny nie tolki ŭ mietodyku, jakuju, spadziajusia, atrymajecca pryniać razam z palityčnaj dekłaracyjaj. Heta jość ahulnym rašeńniem Litvy, Łatvii, Polščy i Jeŭrakamisii», — skazaŭ Skviarnialis.
U apošnija dni dyskusii ŭ Litvie vyklikaŭ prajekt pahadnieńnia Bałtyjskich krain pa elektraenierhii BiełAES, što dazvolić praduchilić dostup elektraenierhii z hetaj stancyi na rynak Bałtyjskich krain. Jon nie abaviazvaje Łatviju i Estoniju nie zakuplać elektraenerhiju ź BiełAES u Astraŭcy.
Kiraŭnik MZS Litvy Linas Linkiavičus u intervju BNS na minułym tydni krytykavaŭ prajekt pahadnieńnia Bałtyjskich krain, padrychtavany Minenierha, śćviardžajučy, što jon nie adpaviadaje intaresam Litvy. Minenierha i administracyja prezidenta Litvy abaraniajuć prajekt.
Ciapier čytajuć
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia3
Kamientary