Litva z 17 červienia admianiaje karancin: karanavirus amal pieramahli
Takoje rašeńnie było pryniata, pakolki z kanca krasavika ŭ krainie fiksujecca tendencyja źnižeńnia zaražeńnia COVID-19.
«Z ulikam pastupovaha palapšeńnia epidemičnaj situacyi z COVID-19 jak u Litvie, tak i ŭ dziaržavach Jeŭropy, my prapanujem z 17 červienia skasavać karancin na ŭsioj terytoryi krainy», — skazaŭ ministr achovy zdaroŭja Aŭrelijus Viaryha, jaki pradstaviŭ pastanovu, piša Delfi.
Na pasiadžeńni ŭ sieradu Viaryha adznačyŭ, što kolkaść vypadkaŭ zachvorvańnia na karanavirus skaračajecca z kanca krasavika, asabliva situacyja palepšyłasia ŭ apošni tydzień maja, a ŭ apošni čas nivodnaha vypadku zachvorvańnia na COVID-19 nie fiksavałasia ŭ 41-m z 660 samakiravańniaŭ Litvy.
Taksama paćvierdžana, što zamiežnikam dazvalajecca prybyvać u Litvu ź jeŭrapiejskich dziaržaŭ, u jakich za apošnija 14 dzion kolkaść zachvorvańniaŭ na COVID-19 na 100 tys. žycharoŭ nie pieravyšaje 25 vypadkaŭ (u Biełarusi — 128 vypadkaŭ).
Karancin u Litvie byŭ uviedzieny 16 sakavika, apošni raz jon padaŭžaŭsia da 16 červienia.
Za ŭvieś čas u Litvie zafiksavana 1733 vypadki karanavirusa (636 na 1 młn nasielnictva, u Biełarusi — 5 404 na 1 młn). Pamierli 74 čałavieki (27 na 1 młn, u Biełarusi — 30), vylečylisia 1369. Učora było zafiksavana 7 novych vypadkaŭ, pazaŭčora — 6.
Kolkaść testaŭ na 1 młn — 126 791, u Biełarusi — 69 799 na 1 młn.
Naohuł najbolšaja kolkaść vypadkaŭ za apošnija try tydni była zafiksavana 21 maja — 16 vypadkaŭ.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary